MTV Music Award winner: Justin TimberlakeMirror la tungtawna MTV Music Award a ngah Justin Timberlake a minpi Juntin Randall Timberlake ahi hi. 31st January,1981 in Memphis, Tennessee, U.S ah piang hi. A pa Randall Timberlake hi in anu Lynn Harless ahi hi. Memphis leh Millinton kikal Shellby forest mun pan in khang khia hi. A pu Charles L.Timberlake bang Baptist pawlpi upa ahi hi. Tua mah bangin Timberlake zong Baptist pawlpi sung pan khangkhia hi. Kum 3 bek pha pan in anu leh apa kikhen uh hi. Kum 5 a phak ciang anu in pasal dang nei in apa in zong zi dang nei hi. A zi kik tawh tapa nih nei lai hi.Lasak siam bek hi lo in limciin zong siam peuhmah hi. Aminthan pih la “Cry me a river(2012)” ahi hi. Lasakna tawh amah leh amah zong ki-awimu thei kici zawzen hi. NSYNC boyband a zop akipan a min hong thang hi. Kum 1995 in a lawmte tawh NSYNC band din uh a, amah member naupang pen ahi hi. Kum 1996 ciangin UK lamah gam hong keek uh hi. Kum 1998 ciangin UK lamah zong hong minthang peuhmah ta uh hi. A debut album group uh bang a hunlai in minthang hi. A album uh NSYNC pen copy 11 million bang kileisak hi. Tua ah a la hoih “ Tearin Up My Heart” zong kihel hi. A album 2na “ No string attached(2000)” zong lawhcing mah mah hi. Copy 2.4 million kaalkhat sung bekin kilei hi. Hih album ah a single la hoih-uh”It’s gonna be me” zong om hi. A album 3na “ Celebrity” zong meetpih peuh mah hi. Tuahun lai in leitungbup hupin minthang hi. Academy Awards leh Olympic banah Super Bowl khawngah lasa hi. A album leitung bupa kizuak aki khawng khempeuh 50 million phazo hi.Lawhcing takin a omna group a minthanpih laitakin tua band pan paikhia hi. A hong maltat ciang zong lawhcing mah mah veve hi. Hih American tangvalpa pen zong melhoih vanglak hi. A mit leh a sam puang pian hiuhiau in ft 6’1 in saang hi. Melhoih ahihmanain nungaak ngah mah mah hi. Pop princess akici Britney Spear tawh kum 1999 pan in kingai uh hi. 2002 kum bul lamin kikhen uh hi. Britney Spears in thuakna lua in khamtheih bang zatlawh deep hi. Kum 2003 takciangin Film Star melhoih mah mah “ The Mask film” actress Cameroon Diaz tawh kingai kik uh hi. Tuanu amah sang kum 9 in upa zaw hi. Diaz tawh kum 2006 dong kingai in tua khitciang kikhen kik uh hi. Tua khit kum 2007 ciangin Jessica Biel tawh kingai kik leu leu uh hi. Kihen zel ki ngai kizel cih dan in hong omto uh hi. A tawpna ah 19th October, 2012 ciang hong kiteeng petmah uh hi.Justin in talent hau peuhmah hi. Lasiam in limciin zong a siam banah sumbawl zong siam hi. Kum 2005 in a lawmhoih Trace Ayala tawh kikawp in “William Rast” company phuan uh hi. Tua pen a pute uh min tapin aki phuak ahi hi. William pen apu min hi-in Rast pen a lawmpa Trace ii’ pu min ahi hi. Hih company pen silh leh teen lam tawh kisai hi. T-Shirt, Jeans leh Italian suits lam zuak uh hi. May kha 2007 in Tennman Records ah CEO nasem hi. 17th February, 2009 in Teen People leh Cosmopolitan magazine ten pasal sexy pen hihna pia uh hi. Kum 2011 ciangin GQ Magazine ten “Most Stylish Man in America” title pia uh hi.
No comments:
Post a Comment