Centurion thuakkhakk thu

Rome hunlaii in,Centurion kici Pasal khat ii kalsuanna ah phutkhak thute ien ciangin, tulaii iZomi makai pawlkhatte gamtat or ngaihsut ziatawh kisu'n pian saing....!
Hih (Centurion, Zopau-in galkap100 a uk/makaih'Pa)kicihi...Nikhat galkap 100tawh galsimdingin apailaiitak un,lamkal ah galten lam-block in napang uhi, hih mun ah akivatngawp takteh Rome lamten zolo uhi sikhin unteh acihkhitciang paisan uhi.aihang Centurion le mi4 kamphatnatawh misitelak ah misiten navuknelh aihmanin galten mulo aihmanin suakta theisa'm,himahleh galte gamsung aihmanin aciahnading uh gamla mahmah beklo lamzawi theilo sawnsawn laiihi hibang tengtawh Ni mitsuan in agam uh hiding aa upmawhnalam manawh in apaina vuah nawngkaina tuaktoto aihman un mithum bek cianlaii uhi tuabang mahin liama neipipi mahin masuan zomtoto veve takciang un, luiingei munkhat ah inn or buk khat na omhi amauzong gil lah kial,gim lah gim aihtakciang vua tua innsung ah lutsuk pah uhi Numei khatguak na omhi bangmah paupih masalo in thakhatin lutsuak pah uh aihciang vua hia Numei in nalau luaa mahmah hi hih Numeipen agalte minam ahi hi,himahleh English Pau nathei ciaciat aihmanin hongki hothei sa'm hi. Tawlkhat sung natba,liama te puah in a omlaiitak un, galten hih Nu inn ah omcih thuzakna nei hiding hiven,honkhat hongpai ciangin Numei kiang hongdot leh Numei in tuabang mi hongpai omlo hi ciin na(im)hi umzolo,innsung vazong hi kamphat natawh mulo aihmanin ciahkik pah vingveng uhi (na imlo gizenleh) hihbangthu na im cihpen hoihlak leng Christ / itna lungsim nei cihna hia,siat lakleng amipihte akhem kicithei hi. Sawtpi sung mah aliamate adamdong om aihman un itna leh lainatna neipianta himahleh amasuan uhtungnailo aihciang aa apaikhiat hongkul hi.hih Numei innpan hongpaikhiat ciang un galtetawh kinawktoto uhi hihmun ah khatin sisan ciangin nihbek in agam kulh galmuhta hi hih amipihte amuhciang un lungdam, lawptakin kull neh in hongnawhpai ciangin galkap uniform silhnawnlo aihciang aa lawmten galte sain thaltawh na kaptuk pah mawk uhi.hih mun ah Centurion galkap100 amakaih/ukpa bek kum inn hongtungzo sa'm hi.aihang kum bangzah hiam akimuhloh or akithuzakloh takciang,kumpi'n ami dingin pom(letkhan)zo nawnlo mawk hi.a gamsung vuahzong a omnawnloh hang phamawhlo aci hiphial mawk hi Centurion zong lametbei in hialaii aa azintunna Numei kiang sulhei kik tamaihi.
Hithu ingaihsut ciang tulai Zomite pawlkhat iilungsim tawhkibang pian saing!
(Zomi Pastor khat Zopau siamphalo kawlpau siamzaw khat ii Thugen khat "ka pattahsa miten kei hongleh do" cih Thulu tawh salmon hi) hithute izakciang itheihloh amanpha thusim tampi hong theikhaa sak saing!
(Ahoihlamin nongsimsak naihman-lungdam)

Koppih bangci zon ding

Hiai khovel a miteng buaina ahi chi leng igen khial kei ding. I tuailai ma, Zi/Pasal nei thei di din mun a iding ma pek apat a i buaina ahi. Hiai dotna “KOPPIH BANG CHI ZON DING” chih pen a dawng thei tawm mahmah a, a dawng thei ten bel zi/pasal nei khial hetlou uhi.I nu leh pa te kiang ah hiai dotna dong le a hon dawng didan uh chu theih sa ahi, “Hoih tak in om in la ka thu mang peuh le chin ken nang adia ahoih thei lua ka hi” hon chi pah ding uh. I lawmte dong le, “itt pen toh kiteen ding himai,” “Mi nei jou ahih keh sepna hoih nei toh kiteng le hampha ding himai,” “Pau ki batpih mah tawh kiteen ding ahi,” “Kristian mah tawh kiteen ding ahi,” “Hon iit leh duat tak a hon kem di pen toh kiteen ding ahi,” “Sungte deih sak penpen toh,” “I thuzawh di penpen toh,” “Lungsim hoih tawh kiteng ding ahi,” “Pathian lau toh kiteng ding ahi,” chih leh adangdang tampi hon gen ding uh. Hiai tengteng thuhilh na hoih bang mah leh, ahoih leng ichi kei a, a hoih kei leng ichi tuan dah ding.MI KHENKHAT TE ZI LEH PASAL ZON DAN TANGPI I EN MASA DING[1] LAI SIAM, SEPNA NEI, SUM-LE-PAI HAULaisiam, government sepna nei, mi hausa ichih te tulai nungak/tangval te ngaihsang leh deih mahmah ahi. Ahih ziakin hiai te ziak a kua hiam zi/pasal dia va neih di chih pen hih khial law ding ihi. A mi pen kiteen pih hizaw lou a, a siamna, aneih-alam kiteen pih ki suak lel ding ahi. Lawm-le-vual te tung ah ileng maithei, ahia aguk a mittui inul na ding tam maithei hi. Ban ah, mi hausa te leng nikhat/zankhat thu a vaivut suak thei, i simmoh te leng theih louh kal a mithupi suak thei chih mangngilh kei ni.[2] MEL HOIH, ETLAH HUAIMihing mel hoih ngaisang lou bel aki tawm mahmah ding. Zi/pasal melhoih deih lou leng aki om khol kei ding. Mi khenkhat ten ‘lungsim bel bel bawl theih, mel bel bawl theih nawn louh’ chi in melhoih chouh zong uhi. Hichibang ten zi/pasal ding a mit ua zong ahi uh chih a chiang. Melhoih leh taksa etlah huai sak ziak mawk a kua hiam iva kiteen pih mawk leh hih khial law ding ihi. Damlouh na ziak in leng mel-le-puam, etlah huai na teng hong sepah thei. Accident ziak in leng i hoih na teng hong mang thei. Piangsual kikhel lou ahi chih phawk ni.[3] MI MINTHANG, LASIAM, TALENT HAUKhenkhat ten a mi ngaihsang te uh kiteen pih mawk uhi. ‘Lasiam sak te leh mi minthang te khawng kiteen pih kha leng miten hampha honsa ding uh’ chih ziak in mi minthang te delh a delh hun khawp om hi. Tua banga a ngaihsang te uh a kiteen pih khak chiang un a gintak uh bang khollou in a lungkham na ding uh hong leh tam ut viau hi. Hiai bang a minthang te a tangpi in gin om khollou uh ahih man in kiteng guitung chih ding vang mahmah hi.[4] MAH NI CHI-LE-SA, PAU KI BAT PIH, TAWNDAN KI BATPIHKhenkhat ten namdang, pau dang, zaatdang chih te koppih ding in en thei mawngmawng lou uhi. Nek-le-dawn ki batpih, gam-tat, khosak dan kibat pih te mah chi a kiteng te leng anung chiang in nei fuh kisa tuan khollou zel uhi. Namdang tuak hong kigawm chiang un leng buaina neuhneuh ding tampi hong piang a, haksa mahmah zel hi.[5] PATHIAN PHAWK, KHA MI, SAPTUAM A KIZANG, PATHIAN NASEMMi khenkhat in koppih ding bel Pathian phawk mah kinei leh lungsim nuam pen ding, kivuak, kisat, lunggimna chih te leng omlou ding chi in saptuam a ki zang te khawng ahih keh Pathian nasem te khawng nei uhi. Bangtan hiam ah bel adik, lunggim na ding bel a tawm deuh ding. Ahih ziak in kiteenna ichih pen thil lamdang mahmah ahi a, Pathian nasem neikha le a kisik tuntun om law tham zel hi. Khami mahmah, Pathian naa leng nasa tak a sem lah pasal te zahtak didan theilou ahih keh, zi te iit tak a kep didan theilou hun khawp leng om zel ahi.[6] NGAIH THEIH CHI, MI THEISIAM, LUNGSIM PICHINGHiai dan a zong leng tam khawp a om. Kiteen ma a mi theisiam leh lungsim piching bang mahmah te leng zi/pasal neih nung a thuakzawh louh a leng hong omthei mawk zel uh ahi. Mihing bel lungsim leh omdan kikhek khek ahih man in maban ding gen kholh haksa mahmah hi.[7] A VIRGIN LAI MAHNungak/Tangval khenkhat ut le dah a ta khin sa taangpi te zawn dan ahi. Amau lah mi tampi tawh ta sual khin ta, ahihziak a koppih ding bel a virgin mah neih sawm tinten. Niteng a limlang a iki et bang a mah ni hinkhua leng ki et zelzel ding ana hi ahi. Mi kua hiam virgin vazon mawk ding chih pen thil haksa mahmah ahi. Kiteen ma a theih didan leng om lawtel khollou ahi. Huai chiangin virgin chih tinten ziak in virgin va nei kha ta leleng a lungsim leh omdan a hoih tuan kei leh bel koppih hoih nei kha kihi tuan lou ding ahi.[8] NU-LE-PA DEIH SAKNu-le-pa thumang ten vualzawlna tang chi in mi tamtak ten a iit mahmah lai te na ngawn uh leng mittui pawt zungzung kawm in taisan in nu-le-pa deih sak mah tawh kiteeng zaw ning chi in a nu-le-pa deih sak tawh kiteng uhi. Hichi bang a kiteng te akikhen hun khawp om zel hi. Nu-le-pa deihsak a kitengte sang a phallouh pipi a ana kiteng teitei te guitung zaw chih bang leng om thepthup zel hi. Nu-le-pa thu mang ahoih kei ichih na ahi kei, ahih ziakin zi/pasal kineih na ah zaw nu-le-pa ten amau mawhpuak na tan thei uh hen la, ahi lou tantan ah thu neih sawm zaw dah le uh tate adin hoih zaw kha ding hi.[9] DAMTHEI, TAKSA HOIHKhenkhat ten koppih damthei zong uhi. Damthei bel ki deih vek ding hi. Ahih ziak a i theih dia hoih chu a damthei ichih te leng koppih neih nung a damthei hetlou chih leng om tham uh a, nungak/tangval lai a damthei hetlou ichih te leng koppih neih nung a damthei mahmah chih leng hong om zel hi.[10] PATHIAN KIANG A THUM LAH MAHNI IN ZONGHiai mi tampi takte hih dan ahi. Zi/pasal di chu Pathian kiang a ngen sek, ahih ziak a Pathian in a piak di pen ngak lou, Pathian aw le ngai khe tuan lou. Mahni in hoih a sak leh deih mah zong thouthou. Mahni mit a hoih leh lungsim ngaihtuahna a lungtunna mah en tinten…Pathian kiang ah thum a lah Pathian zong sak tuan lou. Hiai bang miten nei dik kha tuan lou uhi.--------------------------Hiai atung a mi khenkhat te zon dan te pen ahoih kei ichi kei, hichi bang quality te nei numei/pasal bel ahoih law mah ahi. Ahihhang in hiaite koppih zon didan dik ana hilou ahi.Zi/pasal hampha ihih ut a, zi/pasal hoih ineih ut a, Pathian hon piak pen mah ineih ut leh hiai bang a zon ding ahi…ZI/PASAL BEL MIT SI KAWM A ZON DING AHIkhenkhat ten mit hak kawm a le kimu zoulou a, mitsi kawm in i mu mahmah di hia ichi ding…Mit si kawm a zon ding chih bel ‘Pathian kiang a nget ding’ chihna ahi. Ji/Pasal ding bel Pathian kiang a nget chihtak a nget ding ahi. Thumthum mai ding ahi. Neu apat ana thum ding mah ahi. Ei mit a hah sung teng Pathian hak theilou a, Pathian in jong theilou ahi. En i mit si le Aman hon jong sak ding ahi.Pathian kiang ah i deihdan bel geen theih mah ahi, ahih ziakin Pathian khut ah bangkim latkhiat a, i mi deihdan, i hoih sak dan, leh ei mah lungsim…teng lat khiak a ‘Toupa nang kei sang in na thei zaw, nang kei adia hoih nachih penpen toh hon kiteng sak in’ chia kilat khiak a thum diing ahi. Pathian kiang ah ‘hon zon sak in’ chia ithum nung a bel ei ki daih lah a va zonzon nawn louh ding ahi. Ahun geih in aman hon pe chet ding. Pathian hon piak ngak zohlouh ziak a leng neihlouh di pi neihkhak theih ahi.Khenkhat in ‘Bang chidan in Pathian hon piak pen kathei tum thei dia’ chih dotna inei ding…I thum a, Pathian khut a iki piakkhiak taktak a, Pathian hon piak pen lung ke lou a ingak leh…Pathian in hon piak hun a tun chiang in ahon piak pen theih tup theihna leng hon pe khom ngal ahi.Pathian in lah eisang in numei/pasal hoih athei zaw ngal a…zi/pasal hoih ideih leh chu thum tam ding chihna ahi mai hi. Zi/pasal ding Pathian kiang a ana ngenngen a, Pathian piak pen mah toh kiteng te a kisik omlou uhi. ‘Huai pen nei kha leng zaw’ chia kisik na di omlou a, ‘Pathian in zaw ka ji/pasal kei adia honna koih sak pen mah eive maw’ chih lungsim ah piang zaw in kipah na in kidim hi. Hichi bang a Pathian gawm te innsung chidam a taten leng nuam sa uhi.