Email hahsiangna

India Sillicon Hills a Nascor Technologies te bawl  tZirr Email Transformer ( Free)tZirrIndia Silicon Hills bawl eMail haihsiangna software thak ni 3 sung free a kihawm hi.Leitungah IT lam tawh minthang mun 2 om a, tuate California a Sillicon Valley leh India Bangalore a Silicon Hills ahihi.India Silicon Hills siksan Nascor Technologies kici te'n MS Office a Outlook email hiahsiangna khat bawl uh a tZirr ci in min vawh uh hi. Ni 3 sung free kikeuh in hawm uh a, ni 7 sung kiman mahmah ( Heavy Discount) in zuak uh hi.A deih tam mawhlo in ki download ziahziah ci hi.McKinsey Global Institute research te'n agenna vuah, corporate nasem 100 ah 25% te pen nisim email tawh a hun uh bei ci hi.iZirr product boxSim ding leh simloh ding khentelna, sim masak ding leh sim nunung ding, mi tangpi kikhakte leh mimal kikhak , attachment om leh omlo cih bang a email om ziazuate  a zongzongna vua hun tampi bei ci hi.Tuabang hun tampi beite phatuam ding in Nascor Technologies te'n tZirr software a bawl uh ahihi.tZirr software in na email a:" To Only" kici mi khat bek ngah ding emailte." FW Only" kici kihawmsawnte." To" kici nang banah midangte zong kikhakte." CC" kici copy dang zong kikhak emailte.Cihbangin ama thu in na khen a inbox siangsak mahmah ci hi.Na mailbox pen email namkim tawh a niit nianua a leh, hih tZirr app ni 3 sung amawkna in a kihawm laitak download pak in.Hih Nahvawh tung mek lecin ki download thei hi.Email buaihuai neite a ding cihna hi.

Ta akem ten pahtawina ngah

Paunak 27:18 "Theikung a cingpa in a theigah ne a, a tapa a kem pa in pahtakna ngah hi"Na nuntakna hunsungah bang bang hongpiang hile zong Na min na khel ahi zong in na Pianna Pa kikhel thei lo hi. Min siat na minphat na ah hileh zong tai tuan lo a. Min phatna atapa in angah aleh akua ta ahiam mah kici a, atate akem lamman ahilh pa in Pahtawina a ngah hi.Na tate thuhilhin azeka main- (Start NOW before it’s TOO LATE)NA TATE NANG NA HILH KEI LEH MI UN HONG HILH SAK DING HI. I tate lamman hilhlo in, thuman thutang musak zo kei leng khawlai avak tangval ginaloten honghilh sakding lamtak phawk gige in, tuatein ahihleh thutang thuman honghilh saklo in Gitnatlohna, Gutatnana, Mawhna khempeuh hongki pattahsak dinghi. Tua ahih manin na tate pan Pasian hongpiak thupha ahih mahbangin nangmah mahin pattah in. Pasianin na ukzawh lohding ta hongpe lodinga bektham lo in Pasian in hileitungah na khempeuh ukdingin hongbawl ahih laiin na tate na ukzawh keileh nangkhelhna hiding hi. Minphatna ngahna ahih banah minsiatna hongpe thei ita te hi.
khualai ah mitawh vaki satin hileh kua tate ahia kici deuhphial in Nangmah mah maizum na hong piangsak ding hi. Nu leh Pa te theih ding leh Ngaihsut huai thu te
* Pilna neilo ka tate bangci pattah ding?
* Kumcing nailo ka taten a lawmngaih uh innah hong hawhpihta bangciding?
* Biakinn ah kikhawm nuamnawnlo, lengla hopih nuamnawnlo bang ci ding
* Tate’ Neu’ lai “Day Care” ah koih, ei iteek ciang “Nursing Home” ah hong koih ahi ding mah            maw?.

Tate kua kepding hiam

Tate kua kepding cih nupa tampi te kiseel na hi a. Pasal in azi kiang ah kei pasal nek zong ding ka hi a, nang anu in tate na kep a na et ding ahi hi ci zel a, numei in apasal kiang ah nang pasal na hia, itaten hon zahtak in hon lau zaw a nang itate na kep ding ahi na ci zel hi. Kua pen dik a kua diklo ahia (?) tate kua kepding ahi hiam? DOCTOR TEN BANG GEN UHIAM? Pasal in Chromosome ‘X’ leh ‘Y’ nei a numei in ‘X’ bek nei hi. Pasal in Chromosome ‘Y’ ahih kei leh ‘X’ numei ah pelut in numei ‘X’ Chromosome toh hong kigawm a tua in nau hongpiang hi. Pasal in 'Y' apiak lut leeh numei a 'X' tawh hong kigawm in nau Pasal hongpiang a, Pasal in 'X' apiak leh Numei'X' tawh kigawm in nau Numei hongpiang hi. Hih tawh kisai igen utpen bel Numei leh Pasal Chromosome thohzah ahi a. Nau hongpian nadingin Pasal leh Nuei in Chromosomes 23 tuak tuak zangkhia hi. Pasal a hiam ahihkeileh Numei ahiam tamzaw loin kibang in kikim hi. Tuain ata un 23 Pairs Chromosomes nei cihna ahi hi. Tate kep utloh manin nangta kici tuak tuak se mah le uh kisiatna / kikhenna bang hongneih uhciang in tate atan ut manun keita ahi ci in hongkituh thei zel uhhi. Pasal in kei Pasal kahi a keita ahi cinuam a, Numei ten lah kei anu kahi keita hizaw ci in tate hongkituh zel uhhi. Pasal leh Numei in 100 lak ah 50% tuak hongthoh khopciang nau hongpiang ahih manin anih ua ta uh ahi. Khat a hizaw tuanlo ahi. Tuaman in nupa pangkhoma tate kepding ahi hi. PSYCHOLOGIST TEN BANG GEN UHIAM?Pa te aw khauh = Nu te aw neem Pa te aang khauh = Nu te aang neem Pa te lungsim khauh = Nu te lunsim neem ci uh hi. Hi teng hongkigawm khawm ciangin tate Nu leh Pa kepna 100% mu uh cihna ahi. Pa te leh Nu te mawhpuakna kikim 50% tuak cihna ahi. Pa te hiam ahih kei leh Nu te hiam kepna ahat zawkleh tate buaisak thei in akhan dingdan takun khang theilo uh hi. Tua ahih manin Pa leh Nu in amawhpuakna uh atheih tuak tuak uh kisam mahmah cihna ahi hi. BIBLE IN BANG GEN HIAM? Bible ah tate Pa bek hiam ahih kei leh Nu bek kep di cih kigen lo hi. Tate aneu pan kipan Pasian zahtak dan sinsak a keptoh ding cih pen Bible sinsak dan ahi. Nu in ahih theihna lam Pa in hih theilo a, Pa in ahihtheih na lam Nu in hih theilo hi. Nupa ahong pankhop loh uhciang in tate khandik thei ngeilo uhhi. akhan dingbang taka hongkhan nadingin Nupa te apankhop uh kisam hi. Pa hangin Nu in khamunana aneih kisam a, Pa leh Nu'n amawhpuakna ciat hoitak a hongzawh ciangun tate khalam hi in Salam ah akhan dingbang takin hongkhang thei uh hi. Nu pa kituak taka tate hongkep uhciang in tate uh akhan dingbang takin hongkhang thei uh hi. Tuadan hongkhan ciangun a laisim na ye ah, asep abawlna khempeuh ah lawhcing ziahziah thei uh hi. Hici bang Nu leh Pa kepna pan khangkhia ten haksatna, buaina leh lunggim nate nawitawm deuh uh a, mite nuaiah omngeilo uh hi. -Zi/Pasal neite leh anei nailo te ivekin Topan itate ama deihna banga akemto thei dingin hongsiam ta hen.

Bang kisampen

1. Hausate adingin thukhualna kisam pen
2. Sangsiatte adingin deihsakna kisam pen
3. Siavuante adingin lungduaina mah kisam pen
4. Pasian’ nasemte adingin veina mah kisam pen
5. Kumpi’ nasemte adingin thuakzawhna kisam pen
6. Sangnaupangte adingin hanciamna kisam pen
7. Sumbawlte adingin thumanna kisam pen
8. Kimawlte adingin kikep siam kisam pen
9. Lokhote adingin cihtakna kisam penMi genhak nam sawmte
1. Thanem leh tuk, tha hat lehlah kisial
2. Kial leh sem zolo, vah leh lah sem nuamlo
3. Kihawmthawh leh khasia, kiphat leh lah leh laak
4. Panmun kipia kei leh phun; kipia leh lah sem tuan lo
5. Manlua leh vak a ni tum, manlah lua leh lah thungen tuan lo
6. A tuahsiat the Pasian ngawh, a tuahphat the mangngilh
7. A thu kinial leh nuak, kimang leh lah lungdam theilo
8. Cina leh Patau gawp; cidam leh nungtolh kik
9. Guallel leh lungkia, gualzo leh lah kiphasak
10. Zawngleh thanem; hau leh lah zangkhialKammal hoih pawlkhat
1. Nuntakna pen zat siam lehang sawt kikhom hi.
2. An ne dingin nungta kenla, nuntak nadingin an ne in.
3. Hun awng cih pen a kimang ding khat sep nading hun hi.
4. Pilna zung pen Kha mahmah a, agah pen khum mahmah hi.
5. Lawhcinna pen khum mahmah a, a thusim pen kha mahmah hi.
6. Na lungsim tawng le na sumbawm sung kuamah musak kei in.

Netanyahu Tangthu tomkim

ISREAL PRIME MINISTER BENJAMIN NETANYAHU TANGTHU TOMKIM

Benjamin Netanyahu pen October 21, 1949, in Tel Aviv, Israel ah piang a, Jerusalem ah khangkhia hi. Unau 3 sung panin in a milai pen ahi hi. 1956-58 leh 1963-1967 sung a innkuan un Cheltenham Township,Pennsylvania, U.S. ah teng uh a, Cheltanham ah sang kahin, tua lai mahah graduate hi. A high school kah lai a kipanin thu kiselna [debate] ah kihel uuk mahmah in, tu dong Philadelphia awkaih mangpau in pau lai hi. Kum 13-19 ahih sung a taw zaw a pa, Benzion Netanyahu' sepna Philadelphia, US ah om hi. A pa pen tua laiah history professor sem hi. A graduate man khit1967 in Israel ciahkik nawn a, Israel Defense Forces ah elite unit "Sayeret Matkal" a kici ah sem hi. Galdona tuamtuam ah kihel in, 1967 kum a Sabena passenger jet (vanleng) mi 571 tuanna,Tel Aviv ah kihijack suahtaksakna ah Prime Minister lui, Ehud Barak makaihna nuai ah Codename "Operation Isotope" pawlah zong kihel hi. Tua ah a liang thau in kap kha in liam hi. War of Attition kici [cross border assault raids] 1967-70 sungin zong kihel a, tua a pan a unit uah team-leader in a za khang hi, Operation Inferno [1968] ah zong kihel hi.Politics lutna:Netanyahu 1972 kum in Army Service a zawhin US ah paikik a, architecture leh business administration degree Massachusetts Institute of Technology ah ngah hi. 1976 in Boston Colsulting Group ah sem a, a upa Yoni, Uganda gamah Air France airliner hijack suahtakna ding ah a va kihelna ah va si ahih manin Israel ah ciahkik hi. October 1973 in Israel a ciah khit in Yom Kippur War ah Sayeret Matkal commando unit ah sem a, Suez Canal ah Egyptte tawh kidona ah kihel in, tu dong a kiselcip [classify] Israel commando te makaih in Syria gam va lut pih hi. Tua khit apat Counterterrorism ah nakpi takin kihel a, tua in a political background ding lampi kipatna ong suak hi. Washington D.C. a om, Israel Embassy ah 1982-84 sung sem a, tua khit 1984-88 sung United Nations ah Israel ambassador sem kik nawn leuleu hi. UN ah a sep sungin Nazi War Crimes thuguk lai [archives] tampi ong pholak/declassify khia hi.Politics lamah a lawhcinna:1988 in Netanyahu pen Knesset ah (Israelte' parliament) member dingin right-wing Likud Party te'n telcing uh a,deputy minister for foreign affairs ah ong sem zom pah hi. Kum nga khitteh Likud Party chairman dingin cing kik nawn in prime minister candidate dingin za ong ngah hi.1996 in PM dingin telcing in ong om a, tua ah PM Shimon Prez [Labour candidate] zo hi. Netanyahu in 1999 tan PM ong sem to in tua hunah Hebron and Wye Accords te sign in Palestine tawh kilemna ding 'Peace process" lampi ding ong pan hi. A term sungin government privatization, liberalized currency regulations and reduced deficits cihte ah nakpi takin pan la hi. Knesset Kitelna (election) ah a commander luipa Ehud Barak zo lo ahih manin kitawp (resign) a, tua khitin Private sector ah semin, private circuitte vehna nei kawikawi hi. Ahih hangin 2002 in politics ah ong lutkik nawn a, Minister of Finance a cin ma sungin Minister of Foreign Affairs ah ong sem kik hi. March 31, 2009 in PM a nih veina dingin ong cingkik nawn leuleu hi. Tua a PM kiciamna a neih khit a thugenna ah gam kipumkhat na ding leh galvan tawh a kivaihawm lo, Israel gam a om a sang thei, Palestine a om ding deihna nakpi takin gen hi. June 2009 in Bar-Ilan University ah a thugen..." President Obama' kiangah Palestine gam in galvan zat khawlsan/nusia in, Israel gam pen Jewish state in namkip ding a ciam a, a thukim ding leh kilemna taktak om thei pan ding hi" ci'n gen hi.Iran Nuclear Program a deih lohna:Netanyahu in P5+1 [ U.S., Russia, China, France, England + Germany] gamte leh Iran in Nuclear Deal thukimna ding a vaihawm na hang un United States tawh November 2013 a patin kitelsiam lohna nakpi takin ong nei uh hi. Netanyahu in U.S. leh Iran in nuclear deal a thukim ding uh deih lo hi. Hih nuclear deal pen Iran in gamdang tawh sum leh pai, galvan leh adang dang kizop pan gakna {Sanction} a neihna pan khah kolna leh beisakna dingin Nuclear galvan bawlna dingin a kizang Uranium a bawl (enrich) pen a tawmsak (reduce) ding hi ci hi. Netanyahu in CNN thukante kiangah "hih deal pen khangthu- ah khialhna lian pen [biggest historical mistake] hi ding hi" ci'n deih lo hi. Tua banah "hih nuclear deal pen kizepna a bang lel hi a, Iran in nipi kal tawm khat sung khit teh palsat/nusia pah lel ding a, kumtampi tak a kibuaipih Iran tungah gakna [sanction] sutna suak lel ding hi" ci'n nial hi. Netanyahu in "Iran tungah gakna khahkol in om leh Iran in nuclear galvan bawlkik nawn pah ding uh a, Iran in nuclear nei leh Israel bek hilo in leitung pumpi a dingin lipkhap huai hi" ci hi.Gaza buaina:2014 nipilai [summer] a patin Middle East ah buaina ong kuang leuleu in, Israel tangvalno 3 Palestine Hamaste'n ong that khit ua pan Israel in zong Gaza a Hamaste' hatna leh bukna munte ong kap zialzial uh hi. Leitung in Hamaste' rocket kap leh Israel in vanleng tawh Gaza ah bomb a khiatna hangin mipi nautang, numei, naupang tam si lua ahih manin in mawhsakna ong pulak kawikawi uh hi. Tua hunin Netanyahu in a cabinet minister 2 kumpi nasepna a gensiat manin tawp sak a, a coalition paliament phiat [dissolved] in kitelna 2015 March kha in neihpih kik hi. A cinkik thubuai:Netanyahu in March kha a kitelna ah Isaac Herzog' i Zionist Union Alliance te zo kik hi. Ama' party [Likud Party] in parliament [Knesset] ah tutna 30 ngah uh ahih manin Party teng lakah tam pen ahih manin kipawlkhawm [coalition] government makaihin PM dingin cing kik hi. Kitel ma-in Netanya in Arabte tuam bawlna in thugen, Palestine gam om sak loh ding hi ci'n a genna hangin Israel vote tampi ngah hi ci'n a langte'n mawhsak uh a, leitung gam tuamtuamin zong mawhsak uh hi. Ahih hangin a cin khit teh a thugenna ah gam nih [2 state solution] pen sabuai ah om lai hi ci'n gen kik hi. Netanyahu' zi pen amin Sara hi a, naupang lungsim lam siavuan [child psychologist] hi.Ta 2 - Yair leh Avner, nei uh hi. A zi masa [1978 a a kikhenpih] tawh tanu khat nei hi. Laibu zong a tuamtuam gelh a, terrorism tawh kisai tam gelh deuh hi. A laibu gelh pawlkhatte - Self-Portrait of a Hero: The Letters of Jonathan Netanyahu (1963-76); International Terrorism: Challenge and Response (1979); Terrorism: How the West Can Win (1987); A Place Among the Nations: Israel and the World (1992); Fighting Terrorism: How DemocraciesCan Defeat Domestic; leh International Terrorism (1996). Netanyahu Israel Prime Minister dingin 4 vei kitelcing ta a,David Ben-Gurion cin zah tawh kikim ta hi. Ahih hangin 3 vei kizomin Israel' khangthu ah Prime Minister cing masa pen hi lai hi. Israel khangthu PM sawt sempen ahi David Ben-Gurion zom amah ahi hi. A term a tawp dong a sep suak leh Israel PM sawt sem pen suak ding hi. Netanyahu pen Israel gam a piangkhia PM masa pen hi lai hi.

Mihing taksasung kidona

Ei mihing te tungah banghanga damlohna, natna leh Sihna te hongtung hiam? Mihingten itheihhet lohin itaksa sungah kidona nasia mah mah atawntungin omden hi, I huihhip te leh nuntak nading inek anleh tui ah natna hik tampi omhi, tua natna hikte Bacteria leh Virus kici hi tuanatna hikte neulua uh ahih main mitawh kimu theilo hi, tua natna hik te in sisan sunghonglut a sisan ongsuksiat tak ciangin mihingte cina, damlo in I om zelhi ahih hangin ei hongbawl Pasianin mihingte onglim bawk mahmah in, tua natna lungnote a daltheiding leh athat theiding zatui itaksa tungah nakoihhi. I kampan a honglut natna hikte icilin nathat in, I mitpan natna honglutte mittui inthat hi, tuaban ah igilpi in acid (athuk) napkin takin bawlin tua acid (athuk) te in igilpi a natna hiklutte nathat zel hi, tuadan hikei leh inek idawn ihuihdik tepan natna hiktampi kingah ahihmanin akisi baih mahmah ding dan hi, tua mittui, ciltui leh Acid te tua lungno te adingin zatui lauhuai mahmah (poison) ahi hi. Hih mittui ciltui, acid te i adalzawh loh leh adal theihloh mundangpan a natna hik honglut te in isisan hongtunciang tua natna hikte athat dingin sisan galkap white blood cell (sisan kang) I cihte in nasia takin do uh hi, mihingkhat taksa sungah “white blood cell” sisan kang I cih te 3,00,00,00,000bang om hi.

Tuate khempeuh pangkhawm in tuakidona masuan uhhi, tua kido na ah sisan galkap tampi takin sihlawh uhhi, tua sisan galkap te in agalte uh lel dingdan a akitheih uh leh amah leh amah kitamsak thei , kibehlap sakthei uhhi, tuacing nasia takin doin zawh limlim sawmna lungtang tawh do uh hi.

Hihdana kidona mihingdam kum 60 sungah 1,00,000 veibang omhi, tuain itaksa sungah nisim naisim kidona omden a tawlnga ngeilo cihna hi, tua kido na ah sisal galkap te in agalte uh azawhtheih pak keileh tua ataksa nei mipen damlo / cina in a omhi, sisan galkap te in agalte azawhleh tua damlo pen hongdam kik in, azawh zawh keileh tua damlopen in sihlawh hi.

The Last Leaf

Johnsy leh Sue akici nungak nihte pen Coffee sai sungah kimu kha uh hi. A uklam uh hong kikup uh ciangin anih un limsuaih tawh neek zong tuak na hi uh a, tuani a kipan kikhen thei nawn lo uh hi. Washington Square kiimah inn khat saap khom uh a, a limsuaihte uh zuak in tua tawh nungta uh hi. A innsapna nuainung pen ah puteek limsuaih siam khat mah inzong inn na saap hi. Amau teng thum kikhawl thei zel uh hi. Puteekpa in a genna ah ” Kei pen hih nungak nihte a hung uital muanhuai mahmah ka hihi” ci zawzen hi.A sawt lo in tua khuasung ah sihziau theihna natna ginalo khat hong om mawk hi. Tua natna pen ” Cisa khuaklut ” a kici te himawk ahih manin angah kha khempeuh puk pah ziahziah uh hi. Kamsiatna tak tawh tua natna pen Johnsy inzong hong ngah kha mawk hi. Angah ni a kipan lupna tungah opcip pah hi. Siavuanten zatui zaha tawh bawl taleh zawm lam manawh semsem hi. Inn nuai a puteekpa’n zong Johnsy cinat a theihni a kipan hunlem a neih simin vehto den hi. Hih puteekpa pen khuamui hun tawh kituak in zu kham in, kamnam den hileh kilawm hi. Zu a kham simin a nuntak sunga lim a suaih khempeuh lakah a hoih pen a suaih ding vai a thu in pulaak den hi. Gen nawh lua khin ta ahi tam nungak nihte’n awlmawh sak zo nawn lo uh hi. Ama lampan in zong a gengen tei sam hangin kipan zo nai mahmah lo a, tua milim suaihna dinga puankaang a zalsa pen angei mah bang laiin, tua tungah puteekpa khutma khatzong muh ding om nai lo hi. Tua puankaang a kizal zawh kum 25 pha khin liang ta hi! Hun nei thei mahmah lo ahi tam aw.Johnsy zong gim semsem hi. November khasung hi citciat lai ahihman in khuavot tawh ama natna tawh lelkhom mahmah ta hi. A lawmnu Sue in vaksan ngam nawn lo hi. Johnsy lupna geiah a sep ding teng sem kawmin holim pihpih hi. Tua laitak in Johnsy hong pau khia hi.“Hua kongvangneu khuhna curtain hong kaihtoh sak dih ve lawm.”……” Aw nih bek om lai. Zanni in nga omlai mah hiven, tuzan in huih nak nun mahmah dan ai ve maw..” na cici hi.“Bang ahia lawm na ciak pih niloh ?”“E, ih omna inn gal a baang tunga lenggah guizam na mu hia? Tua lenggah gui ah zanni in nahteh sagih luai hiven. Tun nih bek luai lenglang lai. Tua nahtehte huih in a mut siang khit ciang in nahteh nunung pen beihun tawh kituak in kenzong hih leitung nusia ding hing. Nih bek om lai.”“Vengte baang tunga lenggah teh leh na nuntakna in kizopna bangmah nei kei peuhmah ei lawm..thu hilolo ciakpih dah mai o maw. Nitaak ciang aksa nganhuan hong bawlsak leng zingsang ciangin lamsiau khom thei pah ni hang ei. Lungkham sih o…Puteek Lalcin khailai lim khat hong ki order dihdih veh aw. Inn nuaia puteekpa tawmvei sung lalcin khai kawmin ka maiah hong ding leh aci hiveng, a om tam va ensuk pak dih ning e. Tuni zo leng zingciang khawng thei pah ding.” acih samsam kawmin a lawmnu Johnsy zanpuan thuapsak in, curtain a kaihsuk kik khit ciangin inn nuai lamah tuak suk vingveng hi. Sue in Johnsy vai puteekpa agen leh puteekpa awheu liangin nui hi. ” Natna ginalo cih peuh lung hong neusak thei hikhong mah e maw” cihsan ziau hi. Sep ding teng aman khit uh ciangin kikhen uh a, Sue pen inntung ah kahto kik hi. Johnsy bel lungnuam takin na ihmu hi.Nitak an anek khop lai takun Johnsy in nahteh khatbek a omlai vai Sue kiangah gen a, Sue zong lungkham simsim napi bangmah a vei lo kineih in thudang ladang kuppih hi. Nahteh khat bek a om zawh nithum khitciang inn nuaia puteekpa sih thu tadensa ah kigelh hi. Puteekpa minpi pen Mr. Berhman a hihi. Ama luanghawm pen zingsang lam in ama room sungah kimu a, a gei ah kahlei khat leh lalcin kivak khat na om hi. Siavuanten Mr. Berhman in Cisa khuaklut te ngah kha hi ci uh hi.Mr. Berhman kigui khit nitaak lam ciangin Sue leh Johnsy in anne khom uh a, kongvangneu khuhna curtain zong khaisa in koih uh hi.“Hualai a nahteh kia thei mahmah kei. Kei zong si lo ding hi ning lawm aw. Ka tha dim kik ta”“Lawm aw hualai a nahteh pen cikmah hun in kia ngei lo ding hi. Nang a dam suak ding na hihi.”“Bang hang in maw?”“Hua laia nahteh pen tuzan in huih in sem khia khin hi. Mr. Berhman in hih thu a theih ciangin kahlei dawh in lalcin de kawmin a zanzan in hua nahteh omna baang tungah nahteh lim khat va suai hi. Tualai takin vuk kia ziahziah a, khuadam mahmah hi. Nahteh lim a suaih khit ciangin a room ah kileh kik hi. Puteek thakhauh nawn lo khat ahihman in khuadam lel lua hi. Tua zan mahin Cisa Khuaklut natna ngah pah hi. A zing ciangin a sisa in a room sung pan hih puteekpa luanghawm kizawng khia hi….”Sue in a thugen zom thei nawn lo hi. A nih un abiang uh kawt tuak hi. Tawmvei khit ciangin Sue in a thugen zom hi “Mr. Berhman pen limsuaih siam a minthang khat ahih loh hangin ama limsuaih in mihing nuntakna khat honkhia zo hi. Ama masterpiece ding pen puankaang tungah suai lo in baang tungah na suai zaw hi. Tua alim suaih pen Nahteh hilel napi nang na nuntakpih hi.” ci hi…..Himah hi guai aw, Jeisu pen Kumpi khat hi napi bawng ankuang sungah hong suak a, singluang mawkmawk nih kikalh koih tunga hong sihna hangin eiten tawntung nuntakna i ngah hi.

Mihing lungsim paipi nam-4

Greek mipil ten mihing lungsim a tangpi in nam 4 bek in na khen uh hi. Tua nam 4 tengah a nuai bangin ih sut suk ding hi. Ei leh ei zong ki theih ding ban-ah ki pawlna makai ding, tanu ding, sum kem dingte ih teel ciang hong huhzo kha ding hi. Khatna : Choleric ci uhhi. Lungsim khauh mahmah te ahihi. Na khat peuhpeuh sin ngamtak, laulo takin sem ngiap ngiap ngam uhhi cihi. Lai Siangtho sunga Joshua cihte, Paul cihte dan hi. A hoihlo lamin gen leng amau mahmah ki that ngam zah dongin lungsim khauh neih uhhi. A hoih lamin cileng a sepna peuhvuah matunlo pi in khawllo in, sem taktak lel, laisim ahihleh zong a tawp dong sim cih dante hi.Nihna : Melancholic ci uhhi. Amah leh amah ki muang ngammel lo, tua ci kha leh cih lungsim neih mi hi cihi. Lai Siangtho sunga Moses dan hi. Thuhoih semding omleh amah bek in sem ngam pahlo cihdante hi. Lai asimteh hoihmah veh aw.. zuileng bang ka ci tam ci-in ai a sansante cihna hi.Thumna : Sanguine ci uhhi. A lungsim a manlang mahmah te hi. Ngaihsun siamin gamta zalzal, pau zalzal cihte hi. Lai Siangtho sunga Peter dan pawl hi. Lung hi mawh baih in, uk zong hau hi cihi. Ki pawlna sungah hih dan mikhat aom keileh a ki sam khat omleh ki lawm kicici hi. A kamtam thei, ahi zuaizuai mi ki sam veve hi.A li na : Phlegmatic ci uhhi. Dai tak in om hit hiat hi. Ahi hangin thulah manglo, thulah nial sese lo cih mite hi. Tawl dam tak in om kingkeng lel cihte hi. Awl mawh luat haulo cihdan mite hi.

Meksiten zinling ding theikhol

Miksi nuntakzia akankan, Germany Duisburg University te muhkhiat in "Miksi" te pe'n ei mihing tedan in,sun khuavak hunsung nasem uh in,khuazinzawhciang nasep khawlzel uh ci uhhi.Germany gamgi munkhat pe'n,singlakna munpi a neihna uh (Red Wood)cihna mun khat ah miksi bu 15000 valbang aomna mun ah,University Duisburg -Essen nasem Gabriele Berberich leh alawm te'n,"Miksi" nuntakzia kum 3 sung video leh settuamtuam tawh akatkhiatna vuah,Miksi te pe'n mihingdan in sunkhuavak hunsung hahkattak in nasem uha khuazinzawhciang nasep tawlnga uhhi ci uhhi.Ahizong (Earthquake)Zinlin dinghun theikholna nei uh ahihman un,zinlin hundingciang, zinlin ma ni 1 ni 2 bangpen sun leh zan tawlngalo in nasemden uh cihi.Hih kum 3 sung Miksi nuntakzia akat hunsung un 2.0,3.2 Magnitude khauh in 10 vei bang zinling hun oma,tuahunsung pan atheihkhiat uh ahihi.

Khinkhai siam ding nam-10

1. Khuak izat kei leh khut le khe kizang khial thei hi.2. Tu a nakhialh na in mailam hun ah nahoih nading kipatna hi.3. Athupi mahmah leh athupilo thute ah hun khensiam theihna naneih leh hunzat siam nahihi.4. Adikpen leh akhialpen thu kan teltal sang kimai sakna anei masasa zahtak huai zaw hi.5. Aomlo namun ah ki zonzon sang in' itheih loh na mun te kihilh thei hileng kimu baihzaw hi.6. Itna in kahpasik bang in akhauh lungtang sosa velvel khingvot daisak zohi.7. Simmawh na, Nuainen na, Muhdah na, Hatzat na,Lithah na,Neubawl na, Zahpih na tawh kipelh nading in' Khingkhai ngaihsut khuak ciimna leh lung pilvang na kisam hi.8. Zogam leh Zomi banghang in leitung ah zawng penpen ahihiam cih leh Athupi dingtata nate kibawl khia theilo a, Athupi lo dingtata teng kibawl tawmtawm na hang ahihi.9. Akhangto mite in Zingsang Zomite thawhma, ihmutmut hunsung in na tampi sem in bawl khia zo ahih man ahihi.10. Zomi te internet ah athupilo tata ki nialnial a, Hun beibei leh Sum beibei pen' namdang te hauhna kibeh laplap na ahihi.11. Milian Mihau suahna ding in pilna siamna lamdawt (shotcut) zuituam kuamah aom kei hi.12. Nasep ding gel khol in la, nang mah in nageel te sem thei siam sawm in. Gelgel in asep ding teh thaman piakloh in midang kisawl zo tuanlo hi.13. Thudot kikkik pen thu theihna ding in tawmvei mihai suahna hi a, Tawmvei mihai tawh kibatding maizum a, thudong lo te akhan tawn in nasep siam ngeilo hi.14. I lungsim leh Khuakte asang thei penpen in khai ding hang aa, Kampau ahih leh kiniam khiat tak in ipau dinghi.15. Mihai laitheilo zudawn te sang in mipil laithei zukham te ahaina kilang baih zawhi.16. Zogam aa, tuite mualdawn ah apaito theiding ibawl thei nakei a, tui pan mei ah zong itangsak theih nailo na in nasep siam nailoh na hong kimu sak thei liimlang ahihi.17. Zogam leisung sum piangte Eite pilna siamna tawh alakhia thei Zomi te hizen leng Namdang mipilte kisam selo hi.18. Nang mahmah kimuang photphot le cin na kisap na maban zomthei mipil misiam tampi tawh nakipawl thei dinghi.19. Ipilna, Ihauhna, Isiamna, I theina te na minam te ahi' na innkuan pan kipan na minampih in a noptuam naikei leh akilei theilo manneilo nakhat tawh kibang ahihi.20. Zomi leh Zogam sungah ah apicing, ataksa kisuak nailo pi in akiim apaam ate tawh ki meemat gawp ding nasep gelna pen khangthak te masuan ki khaktan na ahihi.

Ciamnuih siam mithang

Aki cing pau banna om lo-in ka tawlnga nuam hi. Tu-in nate om zia hanciam takin kasin khin hi. Laguipawlkhatte leh tangthu pawkkhat te-inakipatna, alaizang, leh atawpna cihte aki cingin a nei kei uh hi.Nuntakna pen koipan piang cih kithei lo, akikhelkhel, tawmvei sungin hoihtaka, nuntakna ahi hi. Nuntaknaabeikhit ciangin bang piang ding cih kitheilo hi. Nuntakna-ah geelna limci om hi.- GILDA TADNERGilda TADNER, ciamnuihna lam-ah mimin thang in i sihkhit ciangin bangpiang ding cih theilo hi. Ahi zongin nang' na thei hi. Eite in i sihkhit ciangin i tunna ding munnih om ahihna i thei hi. I nuntakna hu a bei ciangin eite-in munkhat teeiteei ah a pai dingin i manawh hi. Tua hangin mi tamzaw ngaihsutna ah dotna dangkhat ki dong theipah hi. Nikhat Cincinnati-ah vanleng tuangin ka pai laitak-in, Protor leh Gamble-a nasempa khat tawh-in katu khawm uh hi. Na sihkhit ciangin koi-ah na pai ding hiam? ci-in ka dong hi.Amah in, “I sihkhit ciang-a i tunna ding vantung leh leitung om cih ka-um hi. Kua-in koizaw- ah tung ding cih bangin khensat ding cih kathei kei hi” ci-in hong gen hi.Hih dotna zong aki dong theizel ahi hi: A tawntungin Hell sung i tunna ding leh vantunggamah i tun theihna ding hong kilamdangsak na-in bang ahi hiam?Note’ upna hangin Pasian’ hong hehpihna tawh hotkhiatna a ngah na hi uh hi. Note’ thalawnna hangin a ngah hilo-in Pasian’ hong piakkhong ahi hi. Note’ hanciamna tawh a ngah hilo na hih manun na ki sialhna ding uh a thu omlo hi. Efesa 2:8-9Amah in eite hong honkhia hi. Eite in na hoih i sep zawhna hangin hong honkhia hilo-in eite tungah suahtakna leh nuntakna thak a hong pia hizaw hi.

Youtube mukhia masa-3te

Theih ding akisamlua ahihsamloh hang,ezatzat vankhat peuhpeuh pe'n, bangbawl,kuapatkhiat hiam cih etheih ding pen akisam veve ahihman in athei nuam pongpong e omkhak leh cihna tawh kong Post hi.Leitung pen khangto mahmah e cihteihang kum 2005 ma in,Video khat peuh e-etnop teh CD/DVD cihte valeikul in,VCD/Out-set leh TV tawh zoploh in ki-enthei lohi.Ahizong tuhun ciang video khatpeuh e-etnop pen, ekhutsungpan Smartphone tawh e-etziauziau theihnading in,YouTube omta ahihman in CD/VCD cihte lei a paipaikulnawnlo in e omna khempeuhpan e-etziauziau theina pen YOUTUBE mukhia tehang ahihman un theiding thupi veve hi.Hih Youtube mukhia te pe'n,Paypal cihpa nasem tangval 3 te Chad Hurey,Steve Chen leh Jawed Karim te muhkhiat ahi hi.Chad Hurey pe'n,Indiana University of Pennsylvania sang pan Design lamtawh sangman khat hi in,alawm te 2 pe'n,University of Illinois at Urbana-Champaign pan Computer Science lamtawh sangman khin ahi uhhi.2005 kum February 14 ni in "YOUTUBE.COM" cih hongbawlkhia uh a,Youtube ah akoihmasak pen uh video pe'n ' Me At The Zoo ' cih 2005 kum April 23 ni in nakoih uhhi.Hi video pe'n, Youube mukhia pa Jawed Karim in San Diego Zoo apailai a,maan azaih te kisinna a anakoihmasak pen ahihi.2006 kum ciang hihYoutube pe'n,Google te'n USD 1.65 Billions tawh nalei uhhi.2012 kumsung in Youtube video atam ki-en pe'n in Psy cih "Gangnam Style" pen kitam etpen ci uhhi.Kum 1 sung in Youtube lut bekbek pe'n,Billion 1 valta omden ci uhhi.

Mihing Zintui pan Phone tha kithun thei

Englang Bristol University pan amuhkhiat uh pe'n, mihing "Zun" pan phone tha kipia thei ta ci uhhi.Hih amuhkhiat uh e phattuamna pe'n,ni,huih leh khauzang zatkullo ahih man in,buaibuai kulnawnlo ci uhhi.Amuh khiatdan uh pe'n, siik kil 4 nei kuangneu sung ah (Bacteria)mittawh muhzawhloh lungno leh" Carbon Fibre Anodes " cih khawikhawm uh a,tuasungah "Zun" tawh koihkhawm uhin lungno te'n Battery tha nakholkhol in,tua siik kil 4 neitung ah phone nga ziau uh leh phone tha nakithun theiziau ci uhhi.Hih thu pe'n,a upmawhhuai lo thu ahihhang Bristol Engineer Ioannist Ieropoulos in kamuhkhiat ngiat uhhi cih pulak hi.

Samsung Smart TV neite theihding

Samsung Smart TV Company te'n Samsung Smart TV anei khempeuhtung ah kidopdingin kiginkholna pia uhhi.Ahang pe'n hih SS Smart TV te pe'n asungah "Aw"kammal mattheihna omci uhhi.Tua ahihmanin hih SS Smart TV neite'n thusim mikhempeuhlakah genloh thu te leh,ei bektheiding thu khatpeuhpeuh genkhialo dingin theisakna nei uhhi.Hih Smart TV te pe'n,Smart Phone namdana akibawl ahihman in kidawm mahmah un ci uhhi.Smart Phone pan sum Million tampi tak akigusim thubuai a omlai tak ahihman in,Bank Card,ATM Card tuamtuam te nazatteh kidawm mahmah un!!!SAMSUNG SMART TV pa'n na kampau khat pe'n khatpeuhpeuh....Gentehna in na Bank Account vai maw...Kumpi khat nagensiatvai maw...Cih te hongkisul zuih theidan hihtuak hi.

Innkuan nuam na uthiam?!

PATE TAHUAN/VUAN NAM ( 5 )1. Zi tung ah citak ding.2. Muhsa neihsa te Zi te kemsak ding.3. Numei dang tawh paubaanna neilo ding.4. Silh leh ten vaihawm ding.5. Kamkhum awnem zangh ding.NUTE TAHUAN/VUAN NAM ( 5 )1. Innkuan sung nopna dingin gel ding.2. Neih leh lamh sum leh paai kepsiam ding.3. Pasal dang tawh thusia omsak lo ding.4. Nung leh maa deidan lo ding.5. Nasep na ah hanciam ding.NULEH PATE TAHUAN/VUAN NAM ( 5 )1. Asia lamte thei siam ding.2. Ahoih mungtup nanei ding.3. Pilsin nate theisak ding.4. Semin hawmsiam ding.5. Kiten ngeina nei ding.TATE TAHUAN/VUAN NAM ( 5 )1. Nu leh Pa khoi-in vaak ding.2. Nu leh Pa te nasep pih ding.3. Innluah panmun dan aa omding, Nu leh Pa vaak na ah innluah lungsim tawh vaak ding aa neihsa lamhsa luah na ah nauzaw lungsim nei ding.4. Nu leh Pa ading thupha bawl ding.5. Nu leh Pa khangsim naleh biakna kepsak ding.

Muksan siuseu bawldan

Numei ahizong,Pasal ahizong mukvompian te'n muk sansiuhseuh a deih iomkhak leh cihna tawh,Azawdeuhin numei te'n muksanza amoih uhhang, a mukvom uh kamsuaktuak ngeilo ahihmanin,sumtampi bei a leikulden ahilo muk sansiuhseuh dending nadeih uh leh hih anuai a moihding namte na kisin pongpong vuau!!1.Cikhum leh Thawhbat helkhawmin tokdikdekding...Tuazawhciang namuk vuah moihding...Minute 15 sungbang nakoihkhit uhteh silsiangkik ding.2.Strawberry gawizaanding....Khuaizu tawh helkhawmin na mukah moihding.....Minute 10-15 kikalkhitteh silsiang kik ding.3.Bawngnawi leh Cii helkhawm ding...Minute 15 khitciang silsiang kik ding.4.Banla,Khuaizu leh Bawngnawi helkhawmding....Minute 15 khitciang silsiang kik ding.Hih tengpen khatveibek moihding hilo...Ni tawmkhatsung kisinding a hihi.Hih nam 4 tengpe'n hoihtakpi hi cih akisinkhinsa te gen tulai misiam te suaksak ahihi.

Len mui cidam nading hoihna

Leimui pen Bawngguh tui lak khawngah lenmui teh honkhat kahsuk leng namtui tuam mahmah hi. Tuipi panin aki ngah Ngasa te pen a gim lian mahmah aa a gimnam a vengna dingin Lenmui khah leng a gimnam vengsak hi.Lenmui ne le hang thagui cidamsak in thahat hi. Ih khuakte pilsak in siangthosak in thuciamtehna hatsak hi. Mittha hatsak siangsak in mitnauta damsak hi. Lungtang thahatsak aa sikhang natna a piangsak sisan sung aa sihui zui sunga sihuai abeng sak natna, pumpi a ding phattuamna hong pialo thau hoihlo te kiamsak hi. Tua bek thamloh in awmsung natna Asma natna awmciak bukkhuh veite awmbing leh ih sung lam-ah khaksawh a piangsak thei ziahziah ahih manin hoih mahmah hi. Tuapleh husanna lampi sunga Virus tuamtuam natna tuamtuam a man na dalzo hi.Cisa ci luangna guhleh tang anatnat ciangin Lenmui leh Sing sucip dingin tua tui leh khuaizu hel dingin dawnhoih mahmah hi. Ngong sung kamsung khawng a metmat na nat ciangin Lenmui tui i al milmial tawh na kam kuah ding, Naubu sungah Suangtang om te zong Lenmui sucipna tuileh khuaizu zingsang nitak khaguk sung neden leh tua suangte zan thei hi. Suangte sukha in gawivui ahih manin ih zuunlam pi te siangtho sak hi. Gilpi um sung thahat sangin huihvei gilpuak cilgial cihte Lenmui in damsak thei hi.Lungsim thanem hun, a zin ngeungeu hun ih lungsim abuai hun ciangin hih Lenmui tui dawnleng na vak sak hi.A diakdiak in Lenmui teh nikhat in teh 12 ta haicip in zing leh nitak ne lecin ih sisan sung Siangtho sak sitset in na ci na sa zong hong tangzang sak in na om danzong hong nuamsak ding hi. Mehteh mehgah na cii na lak ah Lenmui aom leh tua gim hangin lungno leh tho te in ne lo uh hi. Nashville, USA inn neihten a huan sung uh ah ciing ziahziah uh hi. Tualo Asia saite ahzong ki ngah hi.

Nanglo in

Nang lo in ka nuntakna in man nei lo a,leitung zong a hawmpi suak lel ding hi. Zan khuamial hunte zong sawt lua ding hi. Siang gen in nang tawh ih kingaih ma inzong lawm ngaih bel na nei ngei khin ingh. Ahizongin nang zah a ka lai hong kuaizo om lo a, hizah ciang ngaihsutna hong neisak zo kuamah om lo hi. Kong itna telzo lecin ut mahmah ingh. Nang tungah ka lamet khat bek om a, tua pen Itna bek mah hi. Nang lam pan Itna nong piak zawh kei lezong phamawh kei, ken hong it veve ding hing. Bangmah in nang kong itna hong khaktan zo ngei lo dinga, hunlehni ten zong mual liam pih zo tuan lo ding hi.If I had to live my life without you near me,The days would all be emptyThe nights would seem so long, With you I see forever, oh, so clearlyI might have been in love before, But it never felt this strongNothing's gonna change my love for you, You oughta know by now how much I love you, One thing you can be sure of,I'll never ask for more than your love..(George Benson - Nothing's Gonna Change My Love For You )