Leitung ah mihing leh ganhingte in Nu kinei ciat hi. Nute itna pen lian mahmah a, leitung ah tehpih ding om lo hi. Biakna khempeuh phialin NUTE NI kinei ciat a, ni thupi khatin kiciamteh hi. A hi zongin i bawl zia leh a ni a khate kibang kim lo hi. Ei Chritsiante in atam zaw kumsim May kha Nipi nihna sung kizang den hi. Tukum zong mai Nipi May 11,2014 ni tawh kituak hi. Nute Ni i bawl zia leh a Nite thupi hi lo zawin, Nute thupitna i theina ding deihna tawh Nute Ni hong piang khia ahi hi.Tua manin Nute Ni hong piankhiat zia leh a deihna tawm gen huai kasa hi.A beisa 1868 kumin America gam sungah tualgal (Civil War) khauhpai mahmah a,nute tungtawn in kilem kikna ding ngimna tawh Nute Nasep Ni (Mothers Work Day) kiphuan khia hi. Laigelh siam England gammi Ms.Julia Ward Howe in 1872 kumin Nute tawh kisai laigelh khia a, tua laibu tung tawnin nute ni bawl ding ngaihsutna na kinei hi. Nute pen inn sungah tate leh nu le pate tawh kikal bek tham loin khua sung gamsung a kilemsakte ahih manin, Nute tungtawn in US gambup Tualgal kilemna kikna ding geelna nei uh hi.Tua bang kawm kal sung panin America gam Webster,Taylor Country,West Virginia ateeng Mr.Granville Jarvis leh Mrs. Ann Marie Reeves te sung pan May 1,1864 in asuak numei pilsan Ms.Ann Jarvis tung pan hong piang khia ahi hi. Unau 11 sung pan 9 na hi in, kumkhat a phak ciangin Grafton khua ah lal uh hi. 1881 kumin Augusta Female Academy(tu in Mary Baldwin College), Staunton,Virginia ah sang kahin, asang man ciangin a teenna Grafton khua ah kum 7 sung sang sia sem hi. A neu lai a kipan a nu it mahmah in, a nu nasepte huh den hi.A Nu in Paak huan khawng bawlin paak kang(carnation) namte deih phadiak hi. Ms.Ann Jarvis in kum 12 aphak a kipan a lungsim tawngah Nute Ni bawl ding ngaihsutna nei khin hi. Hun hong pai to zelin, a nuu in May 5, 1905 kumin sih san hi. A nu sih khit ciangin Company Indutatry ah nasep kawmin Nute itna laihawm (Pamphlets) gelhin hawm khia den hi. May 5, 1907 kum Nipi ni- in a nu sih zawh kumnih cin phawkna pen ama pawlpi ahi St. Andrews Methodist Episcopal Church, Philadelphia ah bawlin,pawlpi upate tungah Nute tawh kisai thugenna neih theihna ding ngen hi.A sisa nute phawkna in paakkang (White carnation) leh adam lai nute phawkna paaksan(Red carnation) mipi 500 tungah hawm khia hi. 1909 kumin US gam State 45 leh Canada, Mexico, Hawaii, Puerto Rica te ah kizel hi. 1910 ciangin US gambup ah zattheih ding Congress ah lai tawh ngen hi. 1912 kumin picing semsem ahih manin US gambup Nute Ni (National mothers Day) in kiciamteh pah hi. US kumpi tungah a ngetna kisang ahih manin, 1914 May 8, ni- in US President Woodrow Wilson in kipsakna nei hi.Nute Ni in US gambup zum khakni ( National Holiday in USA) in kizang a,kumpi zumte leh inn khempeuh ah US Lan(Flag) kikhai hi. Nute Ni -in asi sa Nute´ hanah zahtakna lim Paakkang (White Carnation) kipia hi. Paakkang deihna pen lungsim siangtho, itna, cihtakna, lungsauna lim ahi hi. A dam lai Nute tungah annek tuidawn leh letsong tuamtuam kipia in Nute kiphatawi ciat hi. Nute ni-in Nute itna leh pahtawina late kisa in, nute in bang zah thupi a, bang teng hong sepsak cih thute ngaihsut ni ahi hi. Nute ni pen tulaitak a tate(naupangte) in nu leh pa zahtak a it theih ding lam lahna zong ahi hi. Nute thupi kisa lua mahmah ahih manin, Nute ni (Mothers day) aphuan khia Ms.Anna Jarvis pen “Nute Ni ii Nu” (Mother of Mothers Day) pahtawina minpha kipia hi.Nute Ni i zatzia sangin Nute i it zia leh amau tungah i bawlnate thupi zaw lai hi. Leitungah “Nu” kammal sangin a ngaih zaw leh a khum zaw kammal om lo hi. Nute itna pen leitung ah tehpih theih ding om lo banah athukkik zo khat zong om ngei lo hi. Tua manin Nute kisimmawh thei lo a, a simmawh leh a (it lote) daupai lo pah hi. Nute thupitna leh itna lasa Lengtong Pauno in, ” Kuasah puanbu na keng sak zo kei zong,,,a nuntak sung lungkimsak peuh lecin” a cih pen mansa mahmah ing. Nute thupit zia pen khangluite in, Pa nei nawn lote tagah kici lo a, Nu nei nawn lote tagah ci uh hi.Nute a sih ciangin pate in zi dang nei kik pah lel uh a, pate asih hangin Nute in a tate teng ngak ngam zaw hi. Tua manin Nute ki-it zaw a, pate kizahtak/ kikihta hi. Tukum Nute Ni in nu nei laite in thupha nget ni leh pahtawi ni hisak a, Nu a nei nawn lote in Nute thupit zia tate tungah lahkhiat ding kisam hi. Kawlte paunak ah, ” Na Nu a sih ciangin kap ken la, a nuntak sungin a lungkimna ding gamtat sawm zaw in ” ci uh hi. Nute ni ciangin Nu nei nawn lote khitui luang a om mah bangin, Nu nei laite in Nute tungah lungdamko a, thupha i bawl siam ding thupi mahmah ding hi.Nute a dam lai in a thupit lam kithei kha lo tawh kibang a, nu nei nawn lote in a thupit lam kiphawk semsem hi. Nute pumpi khempeuh ei ading manpha a, nute itna sang alian zaw itna leitungah na mu zo ngei kei ding hi. Leitung ah khuavak i muh masakna penpen i Nu ahi hi. Nute simmawh bawlsia in, a khitui i luan sak leh nikhat ni ciangin nang zong na khitui luang kik dinga, na kisik hangin kibawl thei nawn lo ding hi. Tua mah bangin Nute lam pan zong tate pen Topa thupha leh letsong ahih manin, Pasian (LST) deih bang a i pattah siam ding kisam hi.Innkuan sung tate nuntakna ah lampi lian penin Nute ahi hi.Nu khempeuh Nu hoih kici thei lo a,a pasal leh atate Pasian thu tawh makaih a, thu a ngetsakte NU HOIH kici thei bek hi. Nute pen innkuan sungah tate tawh kitam thuah pen ahih manin, tate lungnuamna zong a hi uh hi. Pate lungmuanna zong Nute siamna tungah kinga zel hi. Tate ading thungetna tawh khitui aluang lo nute pen khatvei ni ciangin,tate hangin khitui luang ding hi. Nute leh tate kizopna tung tawnin innkuan nuam vangam malep kisuak thei bek ahi hi.Nute lam pan i theih dingin, innkuan sungah na pasal, na tate a cidam kim hiam ci-in thungetna tawh Nu Hoih i suah zawhna ding kisam hi. Tua hi- in thukum a Kipah huai Nute ni 2014 (Happy Mothers Day) ni-in PIANNA TUUN NU laam bang paak ciat ni ci-in Tongsan pan i kizawn hi. Nute khempeuh Topan thupha pia hen la, akhan kum khua sawt ta hen!!!
Sunday, 21 June 2015
Father's Day hongpian khiatna
Tanglai in ah hong pianna thu tom Mipilte in agenna leh ciaptehna ah Father’s day akibawl zawh pen Kum 4,000 val phata hi cihna gen uh hi. Babylon lam pek panin hong kipan hi a, a kiciapteh danin ah Elmesu akici Tangval pa in (Father’s day massage) Pa pahtawina lai Card tung ah a hong at pen kum 4,000 val khin hi. Elmesu tangthu ki-at na a om loh hangin Babylonian Pate aw Khansau in Damsawt un cih Card tung a ah at kimu thei hi. Tuciangin Father’s Day pen leitung mun tuamtuam ah hong kibawl hi.USA sungah, Pate ni thangthu atom Pate Ni pen USA panin Hong kibawl masa hi a, tuapan in Leitung mun tuamtuam hong zel khia hi. USA ah Pate ni hong pian khiasak masa Ms. Sonora Louise Smart Dodd nungak no pen Spokane, Washington pan hi in, Pate ni nuamtakin, ih zat theihna dingin, hongpian khiasak, haksat na tampi hong thuakpen amah ahi hi. 1909 kum in Ms.Sonora in Nute Ni kibawlna ah Hanthawtna (Sermon) azak ciangin, alungsim ah Nute ni kibawl ahih leh Pate ni zong bawl ding hi ci-in hong ngaihsun hi. A Nu in USA tualgal lai-in Nausuahna pan in anu siat hi a, anu asihlai takin mah pen kum 16 pha in, A pa Mr William Jackson Smart in ata 5 teng gallau huai kawmkal ah hoih takin kem toin, Nu leh Pa dinmun lakhawmto ahi hi.Amah pen Hih Pateni apian na dingin avaihawmlai in Kum 27 phata a, Nute ni apiang sak nu in Nute ni apianna dingin a hanciamna te a theihciangin tua in amah thahatsak a, Ms. Sonora Dodd in Pate ni apian theihna dingin USA sungah Campaign ( Theihsakna, lungphona) hong nei koikoi hi. Tuabang in hanciam takin hong omciangin Spokane Ministerial Association te leh Young Men's Christian Association (YMCA) te in panpih in, hong hanciam a, Spokane City ah Pate Ni pen June 19, 1910 in amasa pen hong bawl uh hi. Tua a kipanin Pate ni pen damdam in Khua khat khit Khau khat leh state tuamtuam, USA gambup, lei mong dong ah Pate nihong kibawl toto hi. Kideidanna om lo-in US kumpi President Woodrow Wilson in hoih hi cih thukim pihna 1916 kum in nei hi. Tua mah bangin US President Calvin Coolidge in zong 1924 kum in hih idea pen thukim pih na nei hi. Hih bangin Kum 4 sung bang haksatakin Pate ni hong pian khiatna ding abuai pih sungin US President Lyndon Johnson in 1966 June kha nipi 3na pen Father’s Day hi dinghi cih theihsakna hong pulak hi. 1972, President Richard Nixon in June kha nipi thumna pen Pate Ni akizang dending Nithupi Ni hiding in hong tangko khia hi. Spokane khua sung a World's Fair te-in, 1974 kumin Ms. Sonora Smart Dodd pen Pate ni a pianna ding ah hanciamna hangin pahtawina pia uh hi. Sonora Smart Dodd pen 1978 kumin hih leitung nusia ta hi.Thulak sawnna - Yahoo Group- Online News & Magazines
Korea Girl Band T-ARA
Korean Girl Band laka minthang T-ara pen South Korean Band hi in kum 2009 in Core Contents Media ten din uh hi.Kumthum sung training hoih tak a neih khit ciang ua kidin pan ahi hi.A tungin group member 5 pha uh hi.Group member nga a hih sungun a la masa pen uh “Good Person” release man uh hi.Hih la pen Korean Drama Cinderella Man ah Sound Track in ki zang hi.Tua Drama pen April kha 2009 in ki release hi.Kum 2009 June kha ciang group member Jiwon leh Jiae te tawp uh hi.Tua kum July kha ciang member thak la kik uh a, member 6 pha kik uh hi.member thak te Boram,Qri leh Soyoen ahi uh hi.Tua khit a sawt lo in single “Lies” release uh hi.Kum 2009 July 29 ni in MBC Radio Star Talk Show ah va ki lang uh hi.Tua ni mah in a Music Video masa pen release uh hi.Mipi mai tak taka aki lat masakna uh bel Mnet’s M! count down show ah ahi hi.Tua ah a la minthang uh “Lies” leh “Wanna Play” sa uh hi.Aa member pih uh, Eunjung, Soyeon,Hyomin leh Jiyeon ten Korean Boy Band minthang Supernova te Single TTL(Time to love) sakpih uh hi.Hih la pen Korea gamah tua hun lai in thang mah mah hi.Online Chart tuam tuamah No.1 ahi hi.December 1,2009 ciang album masa pen “Absolute First Album” release uh hi.Tua album pan la nih “Bo peep bo peep” leh “Like the first time” music video in suaksak uh hi.Min than pih mah mah vanglak uh hi.Kum 2010 January 1 ciang “Bo peep bo peep” in New Years day Episode of Music Bank Award ngah hi.Tua khit ni nih ciang Inkigayo ah Mutizen Awrd ngah kik hi.Lawhcing to zel uh hi.Kal khat hong bei kik ciang Music Bank leh Mutizen Award dang sang kik uh hi.A la te uh a tamzaw Korea numei leh khangno ten deih uh hi.Amau lah khangno lai uh ahihmanin fans te kipak sak siam uh hi.Tua manin award tuam tuam zong lak beh zel in thang mah mah deep uh hi.A lawhcin mah mah lai takun Core Contents Media ten member te laka Eunjung leh Hyomin ten Wonder Woman Band kithuahpih ding ci uh hi.Tuabang kawmkal pan masawn zelin kum 2010 February kha ciang album nihna “Breaking Heart” release uh hi.Hih album pan la khat “ I go Crazy because of You” music video in bawl uh hi.Tua kum November kha ciang music video dang “Why are you being like this” release kik uh hi.Member thak Hwayyoung leh Boram lak beh kik uh hi.Mini album “Yayaya” lawhcing takin release kik thei uh hi.A la uh nih “Yayaya” leh “Why Are You Being Like This” te MnetM! Count down ah hoih vanglak hi.A mini album nihna “Roly Poly” pen nikum January kha in release kik uh hi.Hih album Japanese Version tawh kibawl ahihmanin Japan gamah thang mah mah hi.”Roly Poly” music video pen nikum Junne 29 in release uh hi.Cyworld, Gom TV,Bugs,Nate leh Mnet Real time Chart ah No 1 hi to pah hi.
Demi lovato
Mexican Nungak melhoih Demi LovatoTuhun khangno ten a pahtaak mah mah uh Demi Lovato pen Albuquerque, New Mexico ah August 20,1992 in piang hi.Dallas,Taxas ah a naupan lai hun zangin tua pan khang khia hi.A nu Dianna Hart de la Garza hi in apa Patrick Martin Lovato ahi hi.Demi Lovato in u numei Dallas Lovato leh nau numei Madison de la Garza nei hi.Madison de la Garza tawh apa uh kibang lo hi.A nu pen Dallas Cowboy Cheerleader ahi hi.Tua banah country music recording artist zong hi lai hi.Lovato in kum 7 a phak akipan Piano tum thei ta hi.Kum 7 bek pha pan in TV Series Barney & Friends ah Angela cih min pua in kilang hi.Kum 2011 a Ellen DeGeneres in 20/20 interview a neihna ah miten engbawl thei zel cih gen hi.Hun paisa ah haksatna a thuakte zong genkhia hi.Kum 8 a phak akipan Neek leh dawn haksa in mite nut bangin ciamnuih gawp zel ahih kum 11 a phakciang depression bang neih lawh cih gen hi.Fabulous Magazine UK ten interview a neihna ah zong a naupan lai hun haksa te a mangngilh theih lohna thu gen hi.Nuntakzia haksatna hangin sang zong kah lo in inn lam pan laisim hi.High School diploma pen Inn pan in kum 2009 in zo pan hi.Tua khitciangin PACER, America’s next Top Model leh CNN ten Anti Bullying spokesperson dingin seh uh hi.May 13, 2012 ciangin Lovato in the X-Factor America Version ah Judge sem dingin lut hi.Khangno ten a huup siam deuh dinga kingaihsun ahi hi.Demi Lovato pen naupang lai ahihmanin amah ah lam-etna lianpi nei uh hi.Bang hang hiam cih leh a maban limci mawk hi.Tun Lovato in a album ding studio lamah a buaipih laitak hi.A album thak pen December 2012 ciang hawmkhia thei ding hihtuak.Birth Name: Demetria Devonne LovatoBorn: 20 August, 1992Birth Place: Albuquerque, New Mexico, USGenres: Pop Rock, Power Pop, R&B, DanceOccupation: Singer, Song Writer, Actress, Musician, The X-Factor USA JudgeInstruments: Vocals, Guitar, PianoLabels: HollywoodWebsite: demilovato.com
Sexiest Woman
Sexiest Woman Alive 2013
Esquire magazine ten "Sexiest Woman Alive 2013" title Scarlett Johansson ngahsak uh hi. Hih bang title nihvei a ngahna hi ta hi. Kum 2006 in khatvei na ngah khin hi. Esquire magazine ten sexiest tawh kisai na buaipih peuhmah vanglak uh hi. Magazine tungtawn in “sexiest women alive of the year” khawng leh “sexiest supermodels ever” banah sexiest title dang tuam tuam ngah ding teelna bawl zel uh hi.
Sexiest Women Alive title a ngah khinte:Angelina Jolie (2004), Jessica Biel (2005), Scarlett Johansson(2006), Charlize Theron (2007), Halle Berry (2008), Kate Beckinsale (2009), Minka Kelly (2010), Rihanna (2011), Mile Kunis(2012) leh Scarlett Johansson(2013) te ahi uh hi.
Scarlett Johansson kum 28 cingta hi. Amah pen limciin siam(actress) minthang mah mah khat ahi hi. Leitungin zong sex symbol zah phiala a ngaihsut hi mai hi. “Iron Man 2", "The Avengers", "Captain America: The Winter Soldier" leh "Don Jon," khawngah kilang hi.
Kum 2006 a hih bang title a ngah lai in amah leh amah thupi kisazo nai lo hi. Tutung takciang bel hihbang title nihvei a ngah kei bek hi ing ci liuliau hi. Tunai in Johansson French tangval JournalistRomain Dauriac tawh kingai uh hi. Ka lawmngaihna tungtawh in thu tampi theihbeh ing ci hi. Mi tampite pahtaak ahihang a lawmngaihpa in mualmawhna nei khollo vanglak hi.
Scarlet in,” tua ka lawmngaihpa tawh ka kingaihma in lungsim ah midang tawh muanmawhna lungsim ka nei ngei kei” ci hi. Hun paisa in tuabang lungsim ka neihlohna hang pen ka lawmngaihte adingin hun ka tam piak zawh lohman leh ka itna a tawm man hi kha ding hi. Ahizongin tu in ka lungsim jealous deuhta ci hi. Scarlet ni dangin Ryan Reynolds tawh ki teengin kikhenkik khin uh hi.
Numei khempeuh lakpan a'gilopen
Elizabeth Batthory pen Transylvania countess hi in 7thAugust, 1560 in Europe gamah piang hi.A pian khiatna innkuan pen ama’ hun lai in innkuan nuamsa khat ahi hi.A first cousin bang Hungary Prime Minster hi sam ven.A innkuanpih dangte cardinal khawng zong om e.A paneu Prince Steven of Transylvania zong Poland kumpi sem ding khat om hi.Tua bang innkuan zahtak huai mah mah khat ahi uh hi.A leh lam tak ah bel a puno te khat bel dawi bia siampi khat om hi.A unau pa zong Satan bia khat om in a nite khat zong lesbian om hi. Elizabeth pen Count Ferencz Nadasdy tawh kum 1575 in kiteeng uh hi. A pasal pen kidona ah a hangsan manin ‘Black Hero of Hungary’ kici liang hi.Hungary gam lu lam Castle Csejthe kici munah a pasal tawh teeng uh hi.A pasal kidona ah a pai sungin mi haute tawh kithuah sim zel hi.A pasal hong tun ciang bel khawl bawl zel sam hi.Elizabeth pen numei melhoih mah mah khat ahi hi.Ahizongin a mel pen lesbian pian ahihmanin a sila(nasem) numei te gamtat khialhpih zel hi.A tungin bel a lawmpa omloh tawh lungzuang kinepna dan in ngaihsun hi.Ahizongin a nasem Thorko leh nurse Ilona Joo ten chuan black magic leh witchcraft lam tunpih ta uh hi.A tunga gualnopna dana a zat pen kithawihna lamah hong zang ta hi.Kum 1600 in a pasal kidona ah si citciat hi.Tuaciangin Elizabeth pen Castle Csejthe-ah thunei pen suak ta hi.A teeknu hawlkhia pah phawt hi.Tua khitciang a tat eng li a tanau te kiangah omsak hi.Tuaciangin castle ah kithuneisak takin hong om hi.Khatvei a nasem khat in a sam hiatsakin bawhsak kha ahihmanin Elizabeth heh in beng hi.A nasem nu a nak pan si luangin Elizabeth ii’ khut tungah tu kha hi.Tua sisan tukna vun pen Elizabeth in a vun dangte sangin etlawm sa zaw mawk mik mek hi.Tuaciangin galkap ulian Johannes Ujvary leh a nasem dawi siam Thorko sam hi.A nasem nu sisan guizam at sat in kuang lian khat ah koih hi.Tua sisan tawh Elizabeth ki sil tajen hi.A kisil khitciang a vun etlawm in naupang tuam kisa hi.Tua pan in mithah hong kipan ta hi.A nasemte a gam kiim ah numei pasal nei nailo zawngsak hi.Castle ah nasep pia ding ci in sam zel hi.Castle hong tung ciangun nasep piak cih gen thadah that meng meng mawk hi.A sisan dawn banah kisil nangin zong zang hi.A mi thah te luang pen a tunglam in phum zel sam uh hi.Ahizongin a hong sawt ciangin pilvangzo nawn lo uh hi.Padenpauh pan in a khang ken lak khawngah pai suk ziau uh hi.Zan ciangin Ngia ten na ne zel lel uh hi.Zing sang khat numei lit e luang pen Ngia ten na ne lo veivai mawk hi.Tuaciangin khuasung miten mu petmah ta hi.Elizabeth zong kumpipa kiangah ki heek pah hi.Kumpi pa in Elizabeth ii’ cousin khat Count Gyorgy Thurzo leh galkap te Castle Csejthe-a thupiang endik dingin sawl hi. December 30,1610 in galkap te Castle ah va lut uh hi. Castle main hall ah nungak luang sisan nein awn lo khat n alum diang duang hi.Khat leu leu pen si khin lian nai lo in a sisan teng bel kilaksak hi.Adang khat pen mulkim huai takin kibawlsia hi.Galkap ten Castle Csejthe huang sungah si luang 50 val mukhia uh hi.Kum sawm val bang tua dana a gamtat khitciangun Elizabeth leh a pawlte kiman hi.Hih thu tawh kisai in mi 16 kiman hi.Bitcse Jail ah koih masa uh hi.Elizabeth pen mi lian innkuan khat ahihmanin Castle arrest in kikoih hi.Courtin thu ngaihsun in si dingin thukhen hi.A tamzaw a lu uh tansak uh hi.Dawi siam Thorko leh mi a bawlsia den khat bel hall um uh hi.Elizabeth pen lupna room ah paikhia thei lo in ki koih hi.Annpiak na ding a vang khat bek kibawl hi.Suang tawh ki um cih hi.Tua room sungah ann leh tui bek tawh kum li nungta zo sam hi.A tawpna ciangin 21st August, 1614 in a nuntakna bei hi.
Gualzawhna leh khankum
Nikhat papi kum 60 gual khat tawh ka kihona ah “Ko bel ka kum uh zong atam lam manawh ta in, bangmah hih zo nawn kei ungh. Khangnote in tuallai zaitha sitlo in khangnolai mahin hong hanciam un” cih vaikhakna kammalte a kimulo lungsim tawng panin thanemna, lungkiatna, kilelh sakna le langkhat ah muanna, lametna, vaipuak suatna cih awsuah te tawh hong genna aw kaza hi. Tua hi aa, gualzawhna icih in khankum, khanhun cihte tawh kisai ahi tam aw, Khangnote bek a gualzo thei, khangno hun laibek ah gualzawh matutna cih a om thei ahi tam? cih ka ngaihsun kha hi. Nuntakna ah Upa gual, khangno gual, naupang gual cihin khan kum tawh kizui-in gual thum a huampi in kikhen hi. Hih hun gual thum sungah Khangno gual bekah gualzawhna kingah takpi mah hiam cih lungngaih huai thu khat om hi. Mikangte in a paunak uh ah ‘Kum 40 pan in nuntakna kipan pan hi” ci uhi. Tua hi-in, a huampi in kum 30 – 50 kikal pen nuntakna aading a thupi pen hun in atam zaw in kiciamteh hi. Banghang hiam cih leh tua hunkal sung pen na lianpipi ahizong a om nailo thute, nate bawlkhiat, sepkhiat zawh nading theihna kicingta, pumpi lungsim le khate picing ta, cidam thahat, khuak nasep hatlai cih thute hang zong ahi hi. Ahizongin eilam ah ahih leh kum 40 - 50 khengkhin leh a khangham in kingaihsun zaw in 30 – 40 gual pen khanglai mi in kingaihsun zaw hi. Kum 30 – 50 kikal hun pen mihing khat picin hun, vasa bang hileh a kha kiim hun i ci phial zongin leitung tangthu te ah nalianpi asem, a mukhia mipil, misiamte nasepkhiat hun le a khan kumte uh pen hi thu tawh akipelh zong tampi na om zel hi. Mozart kici pa pen tumging uuk te in a theilo ki omlo ding hi. Picasso pen limsuaih uukte in a theilo ki omlo ding hi. Mozart thu i et ciangin Kum 4 gual aphak in a lamdang tumging aw le a minthang late phuak ta cih i mu khia hi. Ahizongin Michel Chevreul in ahih leh kum 103 aphak ciangin mel (color) tawh kisai thute hong phuangkhia in leitung bupah minthan lawh hi. Hi mitegel i khankum pen kum zakhat dekdak bang kikhia mawk hi. Tua hi aa, mipil pawlkhatte in kum 60 aa pension lakna thu zong pen hisa pha nawnlo uhi. Scientists, Sociologists le Psychologists te in gualzawhna ngah theih nading sep/bawl theihna aki neih hun pen dan tuamtuam tawh kantelnate bawl uhi. Hi mun ah “Gualzawhna le khankum pen kisai khinlo hi” ci’n hong mukhia uhi. Tulaitak in leitung ah mihaupen pa Bill Gates ahih leh kum 30 aphak in billionaire khat na hi ta hi. Malala Yousafai in ahih leh kum 17 gual aphak in leitung ah a nasia pen pahtawina ahi Noble Peace Prize hong ngah hi. Kumpi lian Alexander tha Great in khankum 20 aphak in kumpi suak in, khankum 22 khit ciangin gamlianpi le a thahat mahmah Persia Empire hong sim in hong la zo hi. Tuni ciangdong kum zalom 21 sungah a pil pen in akingaihsun, E = mc2 theory tawh leitung a zel zo, Albert Einstein (1879 – 1955) a gualzawh hun pen kum 32 gual ahi hi. Kum 41 aphak ciangin “electron bang hangin taikhia, koi ci taikhiat” cih amuh khiatna thu tawh Noble Prize (Physic) tawh hong ngah khia hi. Ama gualzawhna ngah hun ahih leh kum 32 – 41 kikal ahi hi. Sir Isaac Newton ahih leh “physic aa tha tawh kisai thukhun 3te” thu pen kum 42 gual aphak in a at khiat ahi hi. Tua thukhunte pen tuni dongin manlai in kizang lai hi. St Paul biakinnpi dan ding a geel architect pa Christopher Wren in ahih leh kum 4 aphak in aksi nelkaai te etna van i ziading alim in suaikhia khin hi. Limsuaih siam minthang Raphael ahih le kum sawmgual sungin (teenager) aminthang lim golpi te suai khin zo hi. Leitung ah lai-at siam minthang ahi Voltaire, Lope Devega, Dimte, Byron, A. Pope, Tennson, Victor Hugo, Francis Bacon cihte in ahih leh a khanlai (kum 30 – 50) sungin lai hoih tampi gelhkhia uhi. Leitung ah aminthang philosopher Bertrand Russel in khankum 80-92 kikal sungin laibu bu 20 val atkhia hi. Ama lai-at te pen tuni ciang dongin kideih mahmah lai hi. Igor Starvinsky in kum 87 aphak dong mahin a zaknop hiauhiau tumging awte at khia lai hi. Kum 80 apha ta Le-pold Stokowisk in hoihtak in tumging tumthei setset ahih manin leitung ah minthangna hong ngah hi. Suangsui siam minthang Michael Angello in kum 89 aphak in a hoih khia mahmah suanglyim hong sui hi. Leitung tangthu siapipa Leopold Von Ranke in a khankum 80 pan kum 91 dong leitung tangthute kai khawm in a at khiat leh bu 12 bang hong pha mawk hi. Tumging siam Verdi in a hoihpen tumging aw ahi Otello pen kum 74 aphak in a at ahi hi. Kentucky Fred Chicken (KFC) aphuan khia pa ahi Colonel Sandler ahih leh kum 80 val ah gualzawhna ngah pan hi.Gualzawhna le khankum tawh kisai in Myron Coler in dawl tuamtuam panin mipil, misiam, mihau, mi minthangte tung ah kantelna kum tampi sung hong bawl hi. Bawl theihna (measurement of creativity) tehna, bang khankum hun ah gualzawhna bawl thei, khankum in gualzawhna ah akisam thu himaw, hilo cihte hong kantel hi. Ahi zongin gualzawhna ding bawltheihna (creativity) a piangsak thu bulpi pen mu zolo hi. Upmawh gen ciang bek in gen thei bek hi. Cihnopna ah bang khankum hunah gualzawhna kingah pelmawh thei cih theihna ding thu kician kimu zolo ahi hi. Tua hi aa, thupha i cih pen ahun nei hi cih i mu khia thei hi. Pawlkhatte thupha ngah/san hun manlang in, pawlkhatta zekai thei hi. Gualzawhna ah akisam in khentatna man, pilna siamna le theihna, lungnemna, kuhkalna, cihtakna le tuahkhak thu cihte kisam hi. I gualzawh pah kei leh zong lungkiat pah ding hilo hi. Khankum tawm naupangno khat i hizong, khankum tam khangham upa khat i hi phial zongin leitung ah hin lai teng gualzawhna i cih pen ei aading a om den thu ahih lam i phawk kim ciat ding a thupi penpen ahi hi.
Nokia Secret Code theih huai
Theih loh phamawh NOKIA SECRET CODENokia handset in siatna khat peuhpeuh, pongman bang mel lo ahihkeh hong gihluat leh phone bawl sai pai pahpah kul lo hi. Hih a nuaia code te tawh na sin phot lecin na sum bei lo tuam ding hi. Zo lai in a theih nop dingin kong gelh cian a, pawlkhat pen mikang pau tawh kitel zaw hi. Iphone, Samsung, Sony, Huawei te code zong like piak dandan kon post ding hi. Computer tawh kisai, Handset tawh kisai dotnop peuhpeuh zong TONGSAN MEDIA GROUP ah kikum ngeingai ni. Khialhna a om leh non maisak un, deihsakna bek tawh hi.*#0000# or *#9999# - Solfware Version a ni leh a kha, Model cihte a kipan ki en thei hi.*#06# - IMEI na et nop leh (International Mobile Equipment Identity). IMEI pen handset khat in khat ta nei hamtang hi. IMEI pen Handset I address zong kici thei hi.*#7370# or *#7780# -Na handset pen hat nawn mel lo, a sunga program te phiat nuam, pongman loh na khat a neih leh na handset lei cil a thak dan lianin (reset to factory setting) kibawl kik thei hi. Security code hon nget leh 12345 gelh in. Na Contact le Handset (Internal Memory) sunga teng kiphiat siang ding ahih manin backup masa in.*#7328748263373738# -Handset I default security code pen 12345 hi a, nang a dang a laihin na code na mangngilh leh hih nambat tawh ki bawlkik (reset) thei hi.*#67705646# -Handset na hon (power on) ciangin Nokia Logo dawk lo ding na deih leh (operator logo) kingah hi.*#2820# -Na Bluetooth device address na et nop leh.*#746025625# -Sim clock allowed status.*#62209526# - WLAN i Mac address na et nop leh. WLAN a kizang thei phone bek ah kingah hi.*#92702689# - A nuai a Menu Information teng hon lak ding hi.1. Displays Serial Number.2. Displays the Month and Year of Manufacture3. Displays (if there) the DATE where the phone was purchased (MMYY)4. Displays the DATE of the last repair - if found (0000)5. Shows life timer of phone (time passes since last START )*#3925538# -Ph Book na phiat nop leh kingah hi."*3370#" -Na Handset battery a bei dektak leh zatpak theih dingin Battery tha 30% hong kibehlap ding hi. Na kiho na man ciangin Battery tha thun (charge) hamtang in.*#3370# - Enhanced Full Rate Codec (EFR) activation. Signal tha khangsakin GPRS leh na handset a hatmel loh ciang a tha hatsak hi. Tua bang mahin na battery zong hong bei baih zawdeuh ding hi.*#3370* - (EFR) deactivation. . Signal tha kiamsakin GPRS leh na handset a hatmel lo ding hi. Ahih hangin na battery tha 30% nuam tuam ding hi.*#4720# - Half Rate Codec activation.*#4720* - Half Rate Codec deactivation.*#7370925538# -Nokia S60 I wallet code na mangngilh leh ki reset thei hi. Code hon ngen ding a 12345 gelh in.*#3925538# Nokia Wallet I contents leh code kiphiat thei hi.Unlock service PROVIDER: -Simcard thun in. Na handset hong (power on) inla vol up(arrow keys) setkan 3 mek in. Pin Code hon ngen ding a C mek inla tua the * mek in. Message hong dawk ding a, * mek kik in tua the *pin*pin*pin#1. #pw+1234567890+1# Provider Lock Status. (use the "*" button to obtain the "p,w" and "+" symbols)2. #pw+1234567890+2# Network Lock Status. (use the "*" button to obtain the "p,w" and "+" symbols)3. #pw+1234567890+3# Country Lock Status. (use the "*" button to obtain the "p,w" and "+" symbols)4. #pw+1234567890+4# SIM Card Lock Status.(use the "*" button to obtain the "p,w" and "+" symbols)5. *#147# (VODAFONE ) this lets you know who called you last *#1471# Last call (Only Vodafone)6. *#21# Allows you to check the number that "All Calls" are diverted To7. *#2640# Displays security code in use8. *#30# Lets you see the private number9. *#43# Allows you to check the "Call Waiting" status of your phone.10. *#61# Allows you to check the number that "On No Reply" calls are diverted to11. *#62# Allows you to check the number that "Divert If Unreachable(no service)" calls are diverted to12. *#67# Allows you to check the number that "On BUSY Calls" are diverted to13. *#67705646# Removes operator logo on 3310 & 333014. *#73# Reset phone timers and game scores15. *#746025625# Displays the SIM Clock status, if your phone supports this power saving feature "SIM Clock Stop Allowed", it means you will get the best standby time possible16. *#7760# Manufactures code17. *#7780# Restore factory settings18. *#8110# SOFTWARE version for the NOKIA 8110Note: Hih code te pen Nokia Windows Phone ah pawlkhat kingah lo ding hi.
Phone sit(စစ္)leh tuh(တု) etdan
Phone siit (စစ္) le tuh (တု) sittelna (Original or Clone)Tu lai phone Brand hoih ahi, Samsung, Iphone, Sony, HTC cihte a tuh (Clone) tampi tak hong om ahih manin I lei khialh loh nadingin I sit le loh sittel ding kisam hi. Banghang hiam cih leh a siit le a tuh khen tel haksa ta hi.Khen dan nam 2 om hi.I. A phone pua lam tawh sitnaPhone a siit te pen a puatham et tawh zong a quality hoihzaw veve ahih manin Phone a siit khat tawh enkak khawm in.II. IMEI tawh sitna (All Brand)(1) *#06# tawh ahih kei leh, Battery la khia inla, a nuaia IMEI kici tua ciamteh in.(2) www.imei.info ahih kei leh http://www.imei.info website ah lut in. Handset IMEI mal 15 gelh lecin stit leh siit lo hon lak ding hi.
IT lamtawh kisai theih huai
Minno Minpi1. GSM -Global System for Mobile Communication2. CDMA -Code Divison Multiple Access3. MP3 -MPEG PLAYER34. MP4 -MPEG-4 VIDEO file 5. PDF -Portable Document Format6. CD -Compact Disk7. DVD -Digital Versatile Disk8. HTML -Hyper Text Markup Language9. WML -Wireless Markup Language10. TCS -Tata Consultancy Services11. IP -INTERNET Protocol12. ISP -Internet SERVICE Provider13. TCP -Transmission Control Protocol14. UPS -Uninterruptible Power Supply15. WLAN -Wireless Local Area Network16. HP -Hewlett Packard17. WAP -Wireless APPLICATION Protocol 18. VHF -Very High Frequency19. HSDPA -High Speed Downlink Packet Access20. IBM -International Business Machines21. APPLE -Asian Passenger Payload Experiment22. SONY -Sound Of New York23. DELL -Michael DELL24. HCL -Hindustan COMPUTER Limited25. GE -General Electronics26. INTEL -Integrated Electronics27. AMD -Advance micro devices28. GOOGLE -Global Organisation Of Oriented Group Language of Earth (internet)LikeCommentShare
Computer zanghte theih huai
Computer ah Program khat peuhpeuh olno takin i pai nop leh Window+R mek khawm inla tua ciang hih a nuaia minno (a nung a zaw pen) te gelh inla Enter mek in. Tua hi leh na pai nopna Program olno takin hong paipih ding hi. Gtn: Calculator bang a hong nuam i hih leh Win+R mek khawm ding tua teh calc gelh ding, tua teh Enter mek lecin Calculator hong suak ding hi.1. Add Hardware Wizard - hdwwiz.cpl 2. Add/Remove Programs - appwiz.cpl 3. Administrative Tools - control admintools 4. Calculator - calc 5. Certificate Manager - certmgr.msc 6. Character Map - charmap 7. Check Disk Utility - chkdsk 8. Command Prompt - cmd 9. Component Services - dcomcnfg 10. Computer Management - compmgmt.msc 11. Control Panel - control 12. Date and Time Properties - timedate.cpl 13. Device Manager - devmgmt.msc 14. Direct X Troubleshooter - dxdiag 15. Disk CLEANUP UTILITY - cleanmgr 16. Disk Management - diskmgmt.msc 17. Disk Partition Manager - diskpart 18. Display Properties - control desktop 19. Display Properties - desk.cpl 20. Driver Verifier Utility - verifier 21. Event Viewer - eventvwr.msc 22. Files and Settings Transfer Tool - migwiz 23. File Signature Verification Tool - sigverif 24. Firefox - firefox 25. Folders Properties - control folders 26. Fonts - control fonts27. Fonts Folder - fonts 28. Game Controllers - joy.cpl 29. Group Policy Editor - gpedit.msc 30. Iexpress Wizard - iexpress 31. Internet Explorer - iexplore 32. Internet Properties - inetcpl.cpl 33. Keyboard Properties - control keyboard 34. Local Security Settings - secpol.msc 35. Local Users and Groups - lusrmgr.msc 36. Logs You Out Of Windows - logoff 37. MALICIOUS SOFTWARE REMOVAL TOOL - mrt 38. MICROSOFT Paint - mspaint 39. Microsoft Syncronization Tool - mobsync 40. Mouse Properties - control mouse 41. Mouse Properties - main.cpl 42. Network Connections - control netconnections 43. Network Connections - ncpa.cpl 44. Notepad - notepad 45. ODBC Data Source Administrator - odbccp32.cpl 46. On Screen Keyboard - osk 47. Paint - pbrush 48. Performance Monitor - perfmon.msc 49. Performance Monitor - perfmon 50. Phone and Modem Options - telephon.cpl 51. Phone Dialer - dialer 52. Power Configuration - powercfg.cpl 53. Printers and Faxes - control printers 54. Regional Settings - intl.cpl 55. REGISTRY EDITOR - regedit 56. Remote Access Phonebook - rasphone 57. Remote Desktop - mstsc 58. Resultant Set of Policy - rsop.msc 59. Scheduled Tasks - control schedtasks 60. Security Center - wscui.cpl 61. Services - services.msc 62. SHARED Folders - fsmgmt.msc 63. Shuts Down Windows - shutdown64. Sounds and Audio - mmsys.cpl 65. SQL Client Configuration - cliconfg 66. System Configuration Editor - sysedit 67. System Configuration Utility - msconfig 68. System Information - msinfo32 69. System Properties - sysdm.cpl 70. Task Manager - taskmgr 71. . Utility Manager - utilman 72. Windows Address Book - wab 73. Windows Address Book Import Utility - wabmig74. Windows Explorer - explorer 75. Windows Firewall - firewall.cpl 76. Windows Magnifier - magnify 77. Windows Management Infrastructure - wmimgmt.msc 78. WINDOWS MEDIA PLAYER - wmplayer 79. Windows System Security Tool - syskey 80. Windows Version - winver 81. Wordpad - write(Win Kaba Kyaw)