အိမ်အမြဲသန့်ရှင်းနေအောင် လိုက်နာသင့်တဲ့ အချက် (၉)ချက်
မိမိရဲ့အိမ်လေးဟာ သန့်ရှင်းသပ်ရပ်နေပြီး နေချင်စဖွယ် ဖြစ်နေရင် အလိုလို စိတ်ကြည်နှုးမှု ရရှိပြီး နေပျော်မှာပါ။ အဲ့တာကြောင့် အိမ်သန့်ရှင်းအောင်နေ့စဉ်ပြုမူ၊ လိုက်နာသင့်တဲ့ အချက် (၉) ချက်ကိုဖော်ပြပေးလိုက်ပါတယ်........
၁။ မနက်ထတာနဲ့အိပ်ယာသိမ်းပါ။ အိပ်ယာသိမ်းတာ ၅မိနစ်လောက်ပဲကြာပါတယ်။ မနက်ကတည်းက အိပ်ယာမသိမ်းခဲ့ရင် အလုပ်ကနေ ပင်ပင်ပန်းပန်းပြန်လာတဲ့အခါ ရှုပ်ပွနေတဲ့ အိပ်ယာကိုကြည့်ပြီး ပိုစိတ်ရှုပ်သွားတတ်ပါတယ်။
၂။ တစ်နေ့အ၀တ်တစ်နေ့လျှော်ပါ။ ရေချိုးရင်းနဲ့အဝတ်နှစ်ထည်၊ သုံးထည်လျှော်တာကတစ်ပတ်စာလုံးစုလျှော်တာ ထက်စာရင် အချိ်န်ရော၊ လူရော သက်သာပါတယ်။
၃။ ညစာအတွက်မနက်ကတည်းက စဉ်းစားထားပါ။ ဒါကလည်း အချိန်ကုန်သက်သာစေတဲ့ နည်းတစ်မျိုးဖြစ်ပါတယ်။
၎။ အပြင်သွားတဲ့အခါ ဘာတွေလုပ်ရမယ်ဆိုတာကို စာရင်းလုပ်ထားပါ။ လုပ်စရာတွေလည်း မကျန်တော့ဘူးပေါ့။ တစ်ခုလုပ်ပြီးမှ နောက်တစ်ခုလုပ်ဖို့စဉ်းစားရင်သွားပြီးသား လမ်းကိုနှစ်ခါပြန်သွားရတာမျိုးဖြစ်ပြီး အချိန်ကုန်ပါတယ်။ တစ်ခုပြီးတစ်ခုဆက်တိုက်လုပ်ရတော့ ရေရှည်မှာ အချိန်ပိုတွေ အများကြီးထွက်လာပါလိမ့်မယ်။
၅။ ညစာစားပြီးတဲ့အခါ မီးဖိုချောင်ကိုသန့်ရှင်းအောင်လုပ်ခဲ့ပါ။ တစ်နေကုန်ပင်ပန်းနေလို့မနက်မှပဲ ပန်းကန်ဆေးတော့မယ်ဆိုပြီး ထားထားတာမျိုး၊ မနက်ကျလည်းပြန်သုံးရမှာပါလေဆိုပြီး စနစ်တကျမသိမ်းဘဲ မထားခဲ့ပါနဲ့။ မနက်ဖြန်ကိုသင်မြင်ရတာမဟုတ်ပါဘူး။ သင်မထင်မှတ်ဘဲ မနက်အိပ်ယာထနောက်ကျသွားတာမျိုး၊ အရေးကြီးကိစ္စတစ်ခုခုပေါ်လာလို့ မြန်မြန်သွားရတော့မယ်ဆိုရင်သင်မထင်ထားတဲ့ အရာတွေက သင့်ကိုနှောင့်နှေးစေတာပါ။
၆။ သူ့အချိန်နဲ့သူသတ်မှတ်ထားပြီး သတ်မှတ်ထားတဲ့အတိုင်းလုပ်ပါ။ ဘယ်အချိန်ကနေဘယ်အချိန်ထိတော့ TVကြည့်မယ်၊ စာဖတ်မယ်ဆိုပြီး အချိန်ဇယားထားရှိပါ။ ဒါဆိုအလုပ်အများကြီးကို ပုံမှန်လုပ်ဖြစ်တဲ့အတွက် ရေရှည်မှာ အလုပ်တွေ အများကြီး ပြီးမြောက်တာကိုတွေ့ရပါလိမ့်မယ်။
၇။ မနက်ဝတ်မယ့်အ၀တ်အစားကို ညကတည်းက ထုတ်ထားပါ။ အ၀တ်အစားထုတ်တာ မကြာဘူးလို့ ထင်ရပေမယ့်ထုတ်ပြီးသားကို ချက်ချင်းဝတ်ရတာလောက် မမြန်မှန်းလုပ်ကြည့်ရင် သိလာပါလိမ့်မယ်။
၈။ အချိန်မှန်အိပ်ပါ။ တစ်ရက်တစ်ရက်နဲ့နောက်ကျတာတွေက သင့်ကျန်းမာရေးကို မသိမသာ ထိခိုက်စေပါတယ်။
၉။ အိပ်ယာဘေးမှာ မှတ်စုစာအုပ်ထားထားပါ။ အနားယူရင်းနဲ့ခေါင်းထဲမှာ တစ်ခုခု ပေါ်လာရင် အဆင်သင့်ချရေးနိုင်အောင် လို့ပါ။
ဒီအချက်လေးတွေက ဘာမှမဟုတ်ဘူးလို့ထင်ရပေမယ့် တကယ် လိုက်နာကြည့်ရင် ရေရှည်မှာ အချိန်ရော၊လူပါ သက်သာစေမယ့် နည်းလမ်းကောင်းတွေဆိုတာ သိလာပါလိမ့်မယ်။
No comments:
Post a Comment