Pilna cih pen nam nihin kigen thei hi.Khat pen pianpih pilna hi a ciimna ,teiina ki ci hi.Adang leu leu pen i sintawm pilna leh siamna te genna ahi hi.Pilna i cih ciang a huam za mah mah hi ,ahizong in tutunga ka gen sawm pen laisinna education lamsang ahi hi.Pianpih pilna pen thupi mah,pianpih ciimna a nei te pen a laisinna uh niam tase leh na khat peuh peuh thei siam baih mah mah uh hi.ahizongin tuhun ciang a sin a sin zek mah hong ki tangsam hi.Dinmun sang leh hihna lian i neih theih nagin pilna ki tangsam.Ni dang lai hun pek panin kumpi,hausa leh makai khat peuh peuh a sem te pen mipil,miteii leh mi khuak ciim na hi se uh hi.Kumpi Solomon gam uk dinga hong ki pat ciangin pilna kitaangsam ahih man in Pasian' kiangah pilna ngen a,Pasian in pilna pia hi.A pil manin kumpi minthang khat hong suak thei hi.Mi za lian leh dinmun san na ut leh pilna hahkat inla, na tate mi lian na suahsak nawp leh pilna guan in.Gam khangto khat hihtheih nagin pilna kisam.Leitunga gam khangto te ngaihsun leeng,pilna siamna lam a hahkat gam te hi se hi.Hih developed countries te a literacy percentage uh na sang deuhzel hi.America te hi zah a gam khangto a hihna hang uh pen a pil man uh cileng ki khial lo ding hi.A tak tak in bel pilna a nei masa pen Greek te, Roman te khawng hi zaw hi.Aihhang mangkang ten pilna hahkat zaw ahih manun minam thupi zaw khat hong suak thei uh hi.Gam hauhnate zat pangkai theih na dingin pilna ki taangsam.Gam sunga resource tuam tuam te gam khantoh nag a zat theih na dingin pilna lam ah san kuul hi.Kawlgam bang en le hang a gam uh ahau lo hi lo napi amite pilna siamna niam lua ahihman in gam khangto lo hi.Japan gam en leu leu leng a gam uh ahoih luat loh hangin a mite siamna sang ahih manin gam khangto khat suak thei ve ve uh hi.Hih gamnih te ngaihsun leeng pilna thupina ki lang mah mah hi.Leitung khantohna te tawh ki tona i nuntak theih nangin pilna i vom kuul.Leitung ah nisimin van thak piang den hi .Hi van zat te i zat meng meng theihna dingin ah lai i theih mah hong kuul hi.I kiim i pam a set van te ngaihsun leeng ei zat dinga zong i ngaihsut ngei loh te ut in ut kei leng zong i zat hun hong tung ta hi.Ni dang in van puak nangin Gan ki zanga tun bel vanleng,motor te awm in na baih mah mah ta hi.Phone leh internet te khongin ki thuzakna baih sak mah mah hi.Hi te pen pilna hanga piang vive aih teh pilna thupi zia pen ki tel mah mah hi.Mite deihsakna i tan theih nangin pilna i neih kuul.Tuhun ciang pilna khang sem sem in hun hong pai zel leh lai thei lo te sep ding tam nawn lo kha ding hi, mangpau thei lo te mang ding a chih dan in.Kumpi nasep niam cik peon neng nangawn sem ding in laisinna pawl 8 bang a niam pen i pass kuul hi.Politics lamah tanau meltheih milian i nei phial zongin pilna nei kei leng hong ki panpih theih loh hun awm mawk hi.Pilna pen politics ah hamphatna a tang kha lo Zomite adingin hahkat huai.Zomite i awmna ciatah politics lamah i dinmun hoih khollo hi.Tua ahih manin pilna lam ah hahkatin office tuam tuam ah awm kim in officer tampi awm leng mi'n hong simmawh lo zaw deuh ding uh hi.Political demand khat peuh peuh zong i nawk nuam tuam ding hi.Pilna pen thupi mah mah ahihmanin thudonin,hahkatin,ki deihsak huai hi."Pilna na ngah na ding a thupi masa pen hi a,na neih khempeuh na bei lawh zongin,na zon ding ahi hi.(Paunak 4:7)"
No comments:
Post a Comment