Gilsung ah Naungek in bangteng theiman,

Gilsung ah naungek in bangteng thei man

Kha kua sungin nu gilsungah a om naungek in theihna tuam tuam nei man hi. Tuate lakah nam sagih a nuaia bang ahi hi.Lunggimna thei:

Nupi gaai te a lunggim ciangun a sung-ua a paai naungekin na thuakpih hi. Tuabang hun ciang gil sunga om naungekin a khutveilam tawh a mai zawt kuam kuam thei hi. Tua pen amau leh amau a lu a kidal sawmna dan uh hi. Lunggimna pan kidal sawm vial uh hi. Lunggim naupaai ten a sunga naungek gimsak hi. Ahihtheihleh naupai numeite pen a lungnuam thei thei a om ding hoih hi. Pasal leh innkuanpih dangten zong naupai sung pen ngeekbawl mai ding. Mi gaaite lungmuang leh suakta taka omsak ding thupi hi. Banghang hiam cihleh a lunggimna uh a sungah a paai naungek adingin hoihlo hi.

A lim thei:

Gaai khit kaal 20 na pan gilsunga ta in lei tawh theihna(taste) nei ta hi. Anu neek khatpeuh a sunga ta in zong phattuampih hi. Nu sung pan a lim leh limlo theihna tawmbang nei khin uh ahihmanin hong pian khiat uh ciang duh deuh nei uh hi. Gentehna in gaai laia carrot a tam neek khat ii’ ta in carrot a ne ngeilo khat ii’ ta sangin hong piankhiat ciangin carrot lim-sa zaw ding hi. Naupaai lai in a hihtheih leh ann lim mehlim kine sakzo leeng hoih hi. Nute neek khempeuh a sunga naungekin na phattuampih hi.

Lungdam thei:

Gaai khit kaal 36 na panin naungekin maisuah a tuam tuam nei thei ta hi. Tua pen 4D ultrasound pan in kimu thei hi. Naungek mitsi in nui thei hi. Gilsung banah a pua lama thawmgingte za thei ta hi. Nuamna launate kiziatna tawh kilangsak uh hi.

Nauawihla za thei:

Sinna khat pan naungek ten nu gilsung pan nauawihla za thei ci hi. Khathum sung bang nisim in nihvei nau a awihla a sa zelte a gilsunga nau tawldam(relax) tuam hi. A lungtang kisai(heart beat) zong zekai tuam ci hi. A zak ngei uh nau awihla za le uh nuam uh hi. Nu sunga naungekin a innkuanpihte aw thei ci lai hi.

Kap thei:

Naungekte a pianma in a nu sungah kap thei ci zen hi. Ahizongin a gin ngaih bel hilo hi. Third trimester kiim pan ultrasound microphone tawh kithei hi. Emotional reactions pawlkhat record theih in om hi. Khitui luang, a lunggim ciangun kamka banah sa-ik thei lai uh hi. Kaal 35 na panin naungek kizia in tang thei hi.

La ngai thei:

Third trimester khit ciangin la khat tamveipi ama kiang naiah kihong ngai thei banah ciamteh thei ta uh hi. La tam a ngaite la a ngai ngeilo te sangin a khuak hatzaw ci hi. Tua manin gaai lai in la hoih nono ngaih ngaih ding hoih hi.

Khutme tawp thei:

Third trimester panin naungek in a khutme tawp(muam) kipan ta hi. A khut leh a kam banah a lu zong tangsak thei hi. Ultra sound panin naungek in a khut a tawp kimu thei hi.